Девојче (13) било заробена под урнатини, умирало 3 дена – Приказната зад една од најпотресните фотографии во светот

И покрај околностите, Омајра била оптимист. Според колумбиски новинар кој разговарал со неа, на моменти била исплашена, плачела и се молела, но сепак останувала позитивна. Во еден миг дури и почнала да му пее.

На третата ноќ од катастрофата, Омајра почнала да халуцинира – велела дека не сака да задоцни на училиште, а зборувала и за тест по математика.

По речиси 60 часа, очите на Омајра станале црвени, лицето ѝ било потечено, а дланките ѝ побелеле.

Неколку часа пред смртта, ги замолила луѓето околу неа да ја остават да се одмори.

Кога спасувачите се вратиле со пумпа за вода, сфатиле дека е невозможно да ја извадат без да ѝ ги ампутираат нозете. Штом лекарите ја воочиле нејзината состојба, заклучиле дека е многу похумано да ја остават да умре.

Омајра умрела на 16-ти ноември околу 10 часот наутро, најверојатно од гангрена или хипотермија.

Потресната фотографија што ја спомнавме на почетокот е направена на 16-ти ноември, кратко пред смртта на девојчето.

Кога фотографот стигнал во гратчето, се чувствувал беспомошно и сфатил дека единственото нешто што може да го направи е да ја зголеми свеста за трагедијата.

Гратчето на Омајра Санчез по катастрофата

Сакал да му покаже на светот за храброста, но и страдањата на малата Омајра за да го забрза собирањето средства за другите настрадани.

И, ја постигнал целта – целиот свет дозна за катастрофата.

Најтрагичното во целата ситуација е тоа што пред ерупцијата, биле забележани знаци на активност кај вулканот.

Но, надлежните не презеле ништо и дозволиле да се случи трагедија што можела да биде избегната.

Спирова С. | Црнобело