Морничаво видео од Грција: Дете oд Србија на гума залутало среде море - важна поука за сите родители

Детали

понеделник, 26 јуни 2023

„Настанот на снимката се случи пред две години. Морската струја го однела тригодишното девојче со километри подалеку од брегот. Беше спасено од екипажот на траект, сосема случајно, среде море“, пишува на морничавото видео на кое се гледа како мало девојче плови среде море на гума. Видеото е потсетник за родителите дека не треба да ги потценуваат морските струи и ветрот кога се на плажа.

На ТикТок видео споделено од страна на профил на веб-сајтот Nikana.gr, се гледа мало девојче на гума кое е во морето, и тоа на неколку километри од брегот.

Видеото било снимено пред две години во Грција, но е одличен потсетник за родителите во летната сезона.

„Настанот на снимката се случи пред две години. Морската струја го однела тригодишното девојче со километри подалеку од брегот. Беше спасено од екипажот на траект, сосема случајно, среде море“.

Во видеото се спомнати слични инциденти од лани и годинава:

„Денес сличен инцидент се случи и на двегодишно дете од Србија. Имено, ветрот ја однел гумата со детето повеќе од два километра од брегот. Неколку луѓе, вклучувајќи и родителите, залудно пливале да го дофатат, но детето на гумата одело сè подалеку и подалеку од брегот. На крај само малку се гледала гумата, како точка во далечината.

По 20-30 минути агонија, викање по помош од сите кои се нашле таму и оние кои пливале, некој човек на скутер дошол и го извлекол детето на брегот заедно со гумата.

Минатото лето имаше уште еден сличен случај покрај Кавала.

Важно е родителите да бидат свесни дека мора да го држат чамецот или гумата, бидејќи морските струи и ветрот можат за неколку секунди да ги однесат децата толку далеку, што е невозможно да ги фатат“.

До крајот на видеото се гледа како траектот се доближува до девојчето на гумата, а луѓето успеваат да го дофатат и безбедно да го качат на бродот.

@nikana.gr

Spasavanje trogodišnje devojčice na gumi u moru #grcka

♬ original sound - nikana.gr - letovanje u Grčkoj

Досега видеото има над половина милион прегледи и бројни коментари, особено од загрижени родители. Многумина и ги критикуваат родителите на децата што не внимаваат.

Сепак, други истакнуваат дека родителите секако можеле да внимаваат повеќе, но важно е да се разбере колку мал момент на невнимание е доволен за да настане трагедија.

„Не сакав многу да ја контролирам мојата 8-годишна ќерка, но по ова не ми е грижа. Нема да ја испуштам од рака“.

„Како родителите можат да го изгубат детето од видик?“

„Како некои родители не внимаваат на децата… Ужас“.

„Зарем не читате – родителите и сите по ред пливале за да го стигнат детето, но тоа се силни струи, не можат. Се надевам дека разбирате!“

Спирова С. | Црнобело