Позитива на денот: Детенце (3) со Даунов синдром се поздравува со сите патници во воз (видео)

Детали

петок, 28 јули 2023

На емотивно видео направено во воз во Франција се гледа како 3-годишно детенце со Даунов синдром застанува до сите патници, нежно ги допира и се поздравува со нив. Според неговите родители, детенцето поминало цели два часа од патувањето поздравувајќи се и разговарајќи со патниците.

Ако денес ви треба нешто што ќе ви го подобри расположението, веруваме дека слаткиот гест на детенце од Франција ќе успее во тоа.

3-годишниот Исак Дриш од Франција има Даунов синдром, а видеото што го споделија неговите родители ќе ви го стопи срцето.

Слаткиот Исак патувал со воз со неговите родители Винсент (33) и Алис (29).

На видеото се гледа како семејството се движи кон нивните седишта, додека малиот Исак нежно ги допира патниците и ги поздравува.

Според неговите родители, Исак поминал два часа од патувањето во поздравување и разговарање со патниците.

„Исак патува со нас уште од најрана возраст. Тој многу сака да запознава нови луѓе, па не бевме изненадени што го направи ова“, открива татко му Винсент.

Тој истакнува и дека Исак секогаш сака да си разговара со луѓе.

„Кога патуваме, Исак секогаш им пријадува на луѓето, седнува до нив и си комуницира на негов начин. Сепак, ова е првпат да се поздравува со секој со толкав интензитет.

Луѓето секогаш реагираат позитивно. Допрени се. Исак често знае да ги насмее, дури и кога се заспани, а тој ги буди за да се поздрави со нив“.

Винсент вели и дека малиот Исак имам многу развиена емоционална интелигенција.

„Дауновиот синдром може да предизвика шесто емоционално сетило, Исак го има. Тој ги разбира емоциите на луѓето како никој друг. Има капацитет да почувствува многу повеќе работи од нас!

Некогаш ова е како меч со две сечила бидејќи ја впива секоја емоција, но некогаш е неверојатно. Таков е Дауновиот синдром“.

Винсет истакнува дека состојбата на Исак си носи и предизвици.

„Нормално, некои денови Дауновиот синдром е поголем предизвик, но кога Исак се однесува како во видеото, знаеме дека го користи неговиот дар, неговиот екстра хромозом го претвора во негова јака страна.

Па, со сопругата сме восхитени од неговата добрина во ваквите моменти“.

Погледнете го слаткото видео:

Спирова С. | Црнобело