Момче (10) се ожени со својата детска љубов, 12 дена пред таа да почине од леукемија

Алина, мајката на Ема, не се противела на идејата нејзината 10-годишна ќерка да се омажи, иако мала.

„Повеќето деца сакаат да одат во Дизниленд, но Ема отсекогаш сакаше да биде сопруга и да има 3 деца.

Знаев дека мора да ѝ ја исполнам желбата кога докторите кажаа дека нема надеж. Беше тоа убав ден за сите нас.

Наша пријателка ги венча, најдобрата другарка ѝ беше старосватица, прочитавме делови од Библијата. Таа беше среќна“, вели мајката на Ема.

Таа раскажала дека на венчавката дошле нејзините лекари, учители, соученици, роднини, пријатели.

„Имаше големи болки кога го облекуваше фустанот. Тоа ја исцрпи, но таа сакаше да издржи и да не пие апчиња за болки, за да не заспие среде венчавка.

А Ди Џеј, тој е најмилото момче што постои. Има златно срце и навистина ја сакаше Ема“, вели мајката.

Алина и Арон денес се среќни што успеале да ѝ ја исполнат најголемата желба на ќерка си.

„Си велам, сигурно јас и Арон имаме убав брак, кој на Ема и делувал забавно, штом тоа ѝ беше најголемата животна желба“, рекла мајката.

Ема, за жал, почина на 11 јули 2023, но среќна што и се исполни најголемата желба.

А. Ј. | Црнобело