Пар од Австралија со џуџест раст има три деца со истата состојба - мајката е 127cm, a таткото - 137cm

Детали

петок, 25 август 2023

Парот добива бројни позитивни коментари за инспиративниот начин на живот, но признаваат дека се соочуваат и со критики, најмногу бидејќи одлучиле да имаат деца и покрај нивната состојба.

Чарли и Кулен Адамс од Австралија се пар со џуџест раст. Тие имаат и три деца кои ја наследиле состојбата од нивните родители.

Чарли има и Инстаграм профил со над 360.000 следбеници, каде што редовно споделува детали од секојдневието со нејзините деца и сопругот.

„Сакам да објавувам фотки каде што го живееме животот со полни гради. Нема граници на она што можеме да го направиме заедно (како семејство)“, вели Чарли.

Чарли е висока 127 сантиметар, додека Кулен – 137 сантиметар.

Парот добива бројни позитивни коментари, но признаваат дека се соочуваат и со критики, најмногу бидејќи одлучиле да имаат деца и покрај нивната состојба.

Тие велат дека секоја од трите бремености на Чарли била многу ризична и постоела можност децата да не преживеат или да се родат со сериозни здравствени проблеми.

Чарли и Кулен се запознале во 2012 година, а се венчале во 2017-та.

Првата бременост не била планирана, и парот стравувал за детето.

Чарли го има најчестиот вид на џуџест раст, додека сопругот Кулен има поредок вид кој може да предизвика повеќе здравствени проблеми.

Уште при првата бременост, лекарите им кажале кои се можностите – бебето да се роди со едниот од двата вида џуџест раст или да биде со нормален раст.

Постоела можност и бебето да ги наследи двата вида џуџест раст, а ова би било фатално.

Трите деца имаат наследено по еден од гените, што значи освен џуџестиот раст, тие се во генерално добра здравствена состојба.

Чарли, пак, вели дека со Кулен не ни обрнуваат внимание на висината и тоа што имаат џуџест раст не ги спречува да живеат исполнети животи.

„Целта со мојот Инстаграм профил е да допрам до другите луѓе и да им покажам дека џуџестиот раст не треба да биде пречка за ништо“, вели таа.

Повеќе фотки од семејството на следната страница...