„Мислев дека бебето починало“ - Девојка од САД го згрози светот откако ја најави бременоста со фотосесија со тема „погреб“

Детали

петок, 22 септември 2023

„Мислев дека бебето починало“, „Ова е лудо, зошто бременоста ја третираш како смрт?“ – стои во дел од коментарите објавени под фотографиите на младата Американка која направи трудничка фотосесија со тема „погреб“ и привлече внимание во сите светски медиуми.

Шеридан Логсдон (23) од Кентаки, САД, направи трудничка фотосесија со тема погреб, а нејзините фотки се најдоа во голем број светски медиуми и предизвикаа лавина реакции.

Фотографиите на кои таа носи краток фустан со прерамки и црн вел, па ги брише солзите со шамивче, а во раце ги држи фотографиите од ехо-прегледот предизвикаа лавина од негативни коментари кај нејзините следбеници.

„Жалам затоа што веќе нема да бидам слободна без деца. Во цутот на младоста, на 23 години, младата и згодна, богата тетка се претвори во мајка.

Шега настрана, многу сум возбудена да го започнам ова ново поглавје во мојот живот.

Сѐ уште не можам да верувам, но бебето расте во мене“ – напиша таа до фотографиите и најави дека наскоро ќе организира забава за откривање на полот.

Коментарите од нејзината фотосесија привлекоа голем број коментари. Додека едни сметаат дека девојката била мошне креативна и смешна, други сметаат дека ова е несолена шега.

„Мислев дека бебето починало“;

„Ова е лудо! Зошто ја третираш бременоста како смрт?“;

„Воопшто не ми се допаѓа црната тематика, но честитки“ – стои во дел од коментарите.

Што мислите вие? Дали ваквата фотосесија е креативна или бизарна?

Б. С. Б.  | Црнобело