„На училиште ме исмејуваа поради изгледот, сега заработувам илјадници евра месечно од мојата убавина“

Детали

сабота, 30 септември 2023

Ејприл Опал (18) била жртва на булинг во детството поради нејзиниот изглед. Но, како што растела, си го променила стилот и сфатила дека сепак е убавица. Денес таа заработува илјадници евра месечно продавајќи свои фотки.

За жал, многу деца се соочуваат со малтретирање на училиште, и тоа за најбанални работи, како нивниот изглед.

Со ова се соочувала и 18-годишната Ејприл Опал од Англија.

Во детството, младата девојка имала прекумерна тежина, вели дека ја гледале како „чудак“, како и дека сите ѝ се потсмевале за изгледот.

Но, денес, Ејприл заработува токму од нејзиниот изглед и вели дека уште ѝ е чудно да се навикне на нејзината убавина.

„Бев чудно дете и како што растев, не се подобрував.

Бев многу критикувана за изгледот, никој не сакаше да се дружи со мене, никој не ме сакаше“, открива таа.

Тој период се фокусирала само на училиштето и планирала да се запише на Оксфорд или на Кембриџ.

Но, како што растела, почнал да се менува и нејзиниот изглед.

Ејприл си го променила стилот, почнала да користи шминка и сфатила дека изгледа прекрасно.

Кога, пак, на Инстаграм почнала да добива понуди да продава нејзини фотографии, одлучила тоа да го претвори во бизнис.

Па, денес Ејприл заработува и до 30.000 евра месечно од нејзините фотки. Еден од нејзините клиенти, кој ја немал ни видено во живо, дури ја побарал и за жена.

Сепак, и покрај пресвртот во нејзиниот живот Ејприл истакнува дека малтретирањето од училиште до денес има влијание врз неа.

„Се чувствувам како постојано да чекам сите да ми речат: ’Се шегуваме, уште мислиме дека си истото чудно дете‘“.

Погледнете уште неколку фотографии од Ејприл:

Спирова С. | Црнобело