„Го истетовирав името на дечко ми на челото за да му покажам колку го сакам – сите ми велат дека ќе се каам“

Детали

вторник, 07 ноември 2023

Што сѐ сте подготвени да направите за да му покажете на дечкото дека го сакате? Ана Стансковски од Полска одлучила да го истетовира името на дечкото на чело, но не очекувала дека ќе добие толку негативни коментари.

Ана Стансковски во моментов живее на Бали, а е со потекло од Полска. Таа стана хит откако на социјалните мрежи сподели видео на кое се гледа како го истетовирала името на својот дечко на челото за да му покаже колку го сака.

На видеото се гледа како Ана оди во студио за тетоважи, каде артистот ѝ го тетовира името на нејзиниот дечко, Кевин, на челото со големи букви.

Во видеото Ана вели дека тетовирањето на името на нејзиниот дечко било мошне болно.

„Готово е? Ми се допаѓа. Леле, на Кевин многу ќе му се допадне“ – вели девојката на крајот од видеото.

Но, Ана се соочи со голем број критики и негативни коментари до нејзиното видео. Многумина ја обвинуваат дека лаже дека тетоважата е трајна, а други, пак ја прашуваат што ќе прави ако еден ден раскине со Кевин.

„Не, сигурно се шегуваш...“;

„И ако ти раскине, што ќе правиш?“;

„Леле колку ќе зажалиш за ова еден ден!“;

„За среќа добро ќе ти стојат шишки“;

„Сите што веруваат дека ова е вистинска тетоважа, сигурно никогаш не направиле тетоважа“.

Инаку Ана има над 500.000 следбеници на ТикТок, а редовно објавува забавни и смешни видеа.

Затоа воопшто не зачудува фактот што многумина мислеа дека таа само се шегува.

Што мислите вие? Вистинска ли е тетоважата или не и дали сметате дека ова е добар начин да се искаже љубов?

Погледнете го видеото на Ана:

@anastanskovsky

My new face tattoo ❤️

♬ original sound - Ana Stanskovsky

Б. С. Б. | Црнобело