Жена се породила во авион, пред да полета од Истанбул – Патниците во исчекување гледаат што ќе се сучи (видео)

Детали

среда, 22 ноември 2023

Жена се породила во авион непосредно пред да полета од Истанбул кон Марсеј. Летот бил одложен, а според видеото од настанот, патниците нетрпеливо го исчекувале доаѓањето на новиот „патник“.

На социјалните мрежи масовно се споделува видео на кое се гледа како патниците на лет на авиокомпанијата Pegasus чекале авионот да полета, откако една од патничките добила контракции и почнала да се породува.

Во видеото се гледа како патниците се поткреваат од седиштата за да видат што се случува, додека болничкиот персонал ѝ помага на патничката да го донесе на свет своето бебе.

Како што соопштуваат турските медиуми, инцидентот се случил на почетокот на месецов, на аеродромот Sabiha Gökçen во Истанбул, кога жената ненадејно добила контракции. По ова, патничката била пренесена во посебен дел од авионот каде болничкиот персонал ѝ помогнал да се породи, а по раѓањето бебето веднаш било пренесено во болница.

Интересно е што овој настан се случил на денот кога авиокомпанијата го пуштила во употреба својот 100-ти авион по повод 100-годишнината од формирањето на Турската Република.

Од авиокомпанијата споделија фотографија на која се гледа новороденчето.

Б. С. Б. | Црнобело