„На ќерка ми ѝ отстранија дел од мозокот бидејќи имаше епилепсија – денес без проблем зборува и чита“

Детали

понеделник, 04 декември 2023

Мора од САД е 16-годишна девојка која доживеала мозочен удар додека била во утробата на мајка си. Поради ова, уште на 4-месечна возраст добивала сериозни епилептични напади, а единствениот лек била операција со која ќе се отстрани оштетеното мозочно ткиво. Денес Мора нема напади, а без разлика што операцијата звучи страшно, таа може да зборува, да чита, да игра тенис, па дури и да учи алгебра.

Во 2008 година, кога имала само четири месеци, Мора Либ од САД почнала да добива напади кои наликувале на епилептични.

На почетокот биле едвај забележливи, за наскоро да се зачестат и да почнат да се случуваат и по стопати дневно.

Тогаш нејзините родители дознале дека Мара доживеала мозочен удар додека била во утробата на мајка си, поради што левата хемисфера од мозокот ѝ била речиси целосно уништена. Ова, пак, придонело за развој на епилепсија.

Нејзините родители – Ен и Сет – морале да донесат мошне тешка одлука. Лекарите им рекле дека најголеми шанси да се спречат епилептичните напади е отстранување на оштетениот дел од мозокот.

Шокирани, родителите не биле сигурни дали сакаат да дозволат операција со која ќе се отстрани скоро половина од мозокот на нивната ќерка.

Но, лекарите им рекле дека оваа операција може да значи и живот за Мора. Односно, доколку не ја изведат, може да се јават оштетувања и на другата половина од мозокот.

„Лекар ни објасни дека мозокот на Мора претрпел многу. Постоеше ризик епилептичните напади да почнат да имаат влијание и на здравиот дел од мозокот, односно да почнат да се јавуваат напади и таму“, открива мајка ѝ.

Според магазинот People, за околу две третини од пациентите со епилепсија терапијата со лекови е сосема доволна.

Сепак, во случаи како на Мара, кога епилепсијата е поврзана со само еден дел од мозокот, операцијата е најдоброто решение

„Кога бебе има чести епилептични напади, мозокот не ги извршува нормалните функции. Развојот не само што стагнира, туку и забавува. Нашата цел е да ги запреме нападите што е можно побрзо.

Ако лековите функционираат, тоа е прекрасно. Ако не, тогаш бараме други опции, како операција“, открива за People д-р Пракаш Котагал, лекарот кој ја третирал Мара.

И, колку порано е направена операцијата, толку подобро за пациентот.

„Тогаш другата хемисфера може да преземе некои од функциите кои обично би ги изведувала оштетената хемисфера. Тоа е појава што ја нарекуваме невронска пластичност“, додава лекарот.

Продолжува на следната страница...