„Не сакаа да ми ја обноват возачката затоа што си го променив личниот опис со пластични операции“

Детали

среда, 06 декември 2023

Потрошила 300.000 евра за да стане „најзгодната адвокатка“ во Бразил, но не очекувала дека промената на личниот опис ќе ѝ создаде проблеми со промената на личните документи. Погледнете ја неверојатната трансформација на Денизи Роша.

Бразилката Денизи Роша (39) вели дека властите не сакаат да ѝ ја обноват возачката дозвола заради екстремните пластични операции што ги направила.

Како што пишува Daily Mirror, Денизи потрошила околу 300.000 евра за да си го промени личниот опис, но сега кога се обидела да ја обнови возачката дозвола, вработените од неа барале да достави поинаква форма на идентификација.

Ако се погледнат фотографиите од пред и потоа, јасно е дека Денизи ги зголемила усните, има поинаков облик на лицето и сосема поинаков нос.

Денизи по професија е адвокатка, а во родниот Бразил ја знаат како „најзгодната адвокатка на социјалните мрежи“, но, вели дека не очекувала дека ќе добие таков одговор кога ќе оди да ги промени личните документи.

„Тие не ми веруваа дека сум јас. Јасно ми е дека им е таква работата и дека навистина мора да проверат, но тоа навистина беше смешна ситуација и не ја очекував“ – вели таа.

На крај, сепак успеала да ги убеди вработените дека тоа навистина е таа и да ѝ ја обноват возачката дозвола со нови фотографии. Како што нагласува, свесна е дека целосно ѝ е променет изгледот, но не очекувала дека тоа ќе ѝ направи проблеми со документите.

Инаку, Денизи досега повеќепати отворено зборувала за естетските процедури на нејзиното тело. Како што вели, била на третмани со ботокс, за отстранување вишок кожа, трипати била на операција на градите, го оперирала носот, правела липосукција, па дури имала и пластична операција на половиот орган со цел да го подобри изгледот.

Погледнете повеќе фотографии од Денизи во продолжение:

Б. С. Б. | Црнобело