„Никогаш веќе нема да учествувам во Secret Santa на работа – купив скап подарок, а добив кутија чоколатца“

Детали

вторник, 26 декември 2023

„Знам дека е Божиќ, некои луѓе можеби нема да добијат ниту еден друг подарок, па затоа дадов сè од себе за мојата колешка да добие најубав подарок“ – вели еден разочаран маж. Прво чекал неколку дена да го добие подарокот од неговиот „Secret Santa“, а внатре имало само неколку евтини чоколатца.

Голем број компании во светот организираат анонимна размена на подароци, каде секој вработен го извлекува името на свој колега кому треба да му купи подарок.

Таквата размена уште се нарекува и Secret Santa, но еден маж е видно вознемирен заради подарокот што го добил, па одлучи своето разочарување да го сподели со следбениците на ТикТок.

Тој во видеото држи мала сина кутија и разочарано покажува дека добил само евтини чоколатца.

„Нема да учествувам во Secret Santa на ниту едно работно место, никогаш повеќе во животот“ – вели тој.

Појаснува дека многу се вложил за подарокот што го дал. Ставил убава украсна хартија, убава ќеса со светилки, најразлични декорации за неговата колешка.

„Знам дека е Божиќ, некои луѓе можеби нема да добијат ниту еден друг подарок, па затоа дадов сè од себе за мојата колешка да добие најубав подарок“ – вели тој.

Договорот бил секој од вработените да го остави својот подарок кој чини до 25 долари на полицата, а колегата што требало нему да му даде подарок воопшто не дошол на работа.

Неколку дена подоцна го добил подарокот и бил разочаран затоа што внатре имало само чоколатца.

Неговите следбеници исто така раскажуваат дека и ним им се случило да останат разочарани од подароците. Очекувале да добијат нешто неверојатно, а на крај дома си заминале со ситници.

Погледнете го видеото:

@star_hollywood

#fyp #foryoupage #foryourpage #explorepage✨ #secretsanta #secretsanta🎅🎄🎁 #christmas2023 #workchristmasparty #fypage #candy #starhollywood

♬ Mookies Secret Santa Gone Wrong - Star ⭐️ Hollywood

Б. С. Б. | Црнобело