Вирално видео: Неуспешно запросување во Рим – девојка го одби дечкото пред толпа луѓе

Детали

четврток, 28 декември 2023

„Не сум подготвена. За ова ли дојдовме во Рим?“ – вели изненадената девојка која го одби дечкото што ја запроси во италијанската престолнина пред толпа луѓе.

Неретко мажите одлучуваат да ги запросат нивните девојки додека се на патување. Ова е тренд што го забележуваме и кај нас, а многупати и девојките очекуваат запросување доколку се во подолга врска со саканиот.

Сепак, не секоја девојка сонува за запросување на атрактивна дестинација пред многу луѓе. И, за партнерите е важно да го имаат ова предвид.

Деновиве на ТикТок се споделува видео со неуспешно запросување во Рим. Видеото е снимено на улицата Via dei Condotti и опкружувањето е навистина романтично.

Дечкото и девојката стојат среде улица, а над нив има многу новогодишни сијалички. Околу нив, пак, има собрано и толпа луѓе, а во заднина се слуша и песната O Sole Mio.

Но, како што момчето клекнува на колено, од реакцијата на девојката станува јасно дека не е најпријатно изненадена.

Според италијанските медиуми, таа на италијански му повторува:

„Не очекував. Не сум подготвена. За ова ли дојдовме во Рим?“

Но, дечкото неколкупати ја прашува дали одговорот е да или не. Целата драма трае околу една минута, за на крај девојката да рече не, по што дечкото станува.

Во коментарите на видеото, повеќето корисници велат дека им е чудно што дечкото не си ја познава својата девојка доволно.

„Секогаш ме шокира тоа што луѓето не си ги познаваат партнерите доволно добро за да знаат дека за нив запросувањето во јавност е непријатно“.

„Бившиот партнер ме запроси на врвот на London Eye. Имаше многу луѓе и се чувствував засрамено. Реков да бидејќи во нас гледаа многу луѓе, но раскинавме по седум месеци“.

„Секогаш прашајте го партнерот дали би сакал јавно запросување. Треба прво да разговарате за ова“.

„Ако бев на нејзино место, ќе се налутев. Кога запросувањето е јавно, изгледа како да немаш друг избор“.

Сепак, некои ја критикуваат девојката:

„Подобро да кажеше да во јавност, па да го одбие приватно. Јас не би сакала така да го посрамотам партнерот“.

„Штом девојката не го прифаќа запросувањето, дечкото треба да ѝ раскине. Не е важно дали е подготвена или не, тоа значи дека се на различно ниво“.

Погледнете го видеото:

@herclueless

Good @Cartier has a 30day return policy @herclueless

♬ original sound - herclueless

Спирова С. | Црнобело