Ѝ се додворувал додека бил излезен со нејзина другарка, еднаш му раскинала - Помалку познати детали за врската на Меланија и Доналд Трамп

Според некои тврдења, набрзо по започнувањето на врската, Меланија се преселила по само неколку месеци на имотот на Трамп Мар-а-лаго, но му раскинала и си заминала откако дознала дека тој сѐ уште се слуша со една бивша девојка и воопшто не ѝ било гајле за неговите пари.

Наводно Трамп неколку недели ја молел да се врати назад на неговиот имот и да му прости.

Иако е јасно дека Меланија често не ги поддржува ставовите на Доналд, тој во една пригода рече дека тие двајца се согласуваат добро.

„Таа е многу смирена личност. Тоа е многу интересно и мислам дека тоа е она што им се допаѓа на луѓето кај неа. Нашите вечери се пријатни.

Имаме вечери како сите други луѓе. Се сложуваме. Всушност се сложуваме многу добро“ – рече тој.

Од друга страна, Доналд нагласи дека Меланија не сака да дава интервјуа и да дозволи новинарите да ѝ чепкаат во интимниот живот.

„Таа е мошне приватна личност. Прекрасна личност и многу самоуверена“ – рече Трамп.

Според биографот на Меланија, Мери Џордан, кога Меланија му е лута на Доналд таа не му зборува со денови, исчезнува од неговиот живот и не му ги исполнува желбите да се слика со него.

Според авторот, ќерката на Доналд од претходниот брак, Иванка, има посебен прекар за Меланија и ја нарекува „портрет“, затоа што смета дека нејзината маќеа зборува исто колку и сликите на ѕидот.

Б. С. Б. | Црнобело