Само една ги заработила милијардите со развод – Кои се 10-те најбогати жени во светот?

Детали

петок, 05 април 2024

Престижниот магазин Forbes ја објави листата на жени кои имаат најмногу нули на сметките, а најсиромашната жена има „само“ 29 милијарди долари. Кои жени се најбогати и од каде ги добиле парите?

Девет од 10-те најбогати жени во светот ги наследиле милијардите од своите богати татковци, сопрузи или во еден случај од мајката.

Само една од жените успеа да се најде на оваа листа, благодарение на тоа што милијардите ги заработи од развод.

Погледнете во продолжение кои се најбогатите жени во светот (почнувајќи од „најсиромашната“):

10. Ебигејл Џонсон (29 милијарди долари)

Оваа 62-годишна Американка е Извршен директор на Fidelity Investments од 2014-та година. Позицијата и наследството ги доби од татко ѝ Едвард „Нед“ Џонсон Трети кој почина во 2022-ра година.

9. Џина Рајнхарт (30.8 милијарди долари)

Оваа 70-годишна Австралијанка е претседател на рударската и земјоделска компанија Hancock Prospecting Group. Богатството го наследила од татко ѝ Ленг Хенкок кој починал во 1992-ра година.

8. Миријам Аделсон (32 милијарди долари)

Миријам Аделсон (78) и нејзиното семејство, поседуваат речиси половина од Las Vegas Sands, еден од најголемите оператори на казина во светот.

Таа го наследи богатството од нејзиниот сопруг Шелдон Аделсон, кој почина во 2021-ва година.

7. Рафаела Апонте Диамант (33, 1 милијарди долари)

Рафаела и нејзиниот сопруг Џанлуиџи во 1970-та година заедно ја отвориле компанијата MSC, која е еден од светските гиганти во трговијата со бродови.

Бизнисот го започнале со позајмица од 200.000 долари за да купат брод. Па затоа Рафаела се смета и за една од најбогатите жени кои сами го заработиле богатството.

6. Савитри Џиндал (33,5 Милијарди)

Савитри е вдовица на основачот на групацијата Gindal, Ом Пракаш Џиндал, кој почина во 2005-та година.

Денес Савитри е најбогатата жена во Индија, а по смртта на нејзиниот сопруг во хеликоптерска несреќа, компанијата беше поделена на нивните 4 сина.

Таа минатата година беше на 12-тото место на најбогати жени во светот, но успеа да се искачи 6 места погоре.

Продолжува на следната страница...