Позната Британка (34) гордо позира со стома, по отстранувањето на дебелото црево: „Оваа ќеса живот значи“
- Детали
- среда, 10 април 2024
„Нели е малку бизарно што оваа мала сива торба е цената што морам да ја платам за подобро здравје?“ – вели Британката Луиз Томпсон на која моралo да ѝ биде отстранет дел од дебелото црево заради улцеративен колитис.
Британката Луиз Томпсон (34) е позната во Британија како ѕвезда на реалното шоу Made In Chelsea, а таа откри дека неодамна ѝ била вградена стома, односно, отсега па натаму, таа постојано ќе мора да носи сива ќеса на стомакот која треба да го замени нејзиното дебело црево.
Луиз во минатото отворено зборуваше за нејзината борба со автоимуната болест лупус, како и со проблемите со дигестивниот тракт, попознати како улцеративен колитис.
Оваа хронична состојба резултира со појава на воспаление и улцери (чирови) на дебелото црево и ректумот. Често се случува овие улцери да крвават и состојбата да биде болна.
Луиз подолг период се борела со оваа состојба, а сега откри дека имала операција за да ѝ се вгради стома, која ќе го замени дебелото црево.
Таа на Инстаграм објави кратко видео во кое ја покажа сивата ќеса на нејзиниот стомак, а во описот напиша:
„Како да соопштам вакви вести?
Не е нешто возбудливо како откривање пол на бебе!
Гледај ќе добијам момче!
Гледај имам стома!
Затоа само ќе стојам овде, гордо, со мојата нова пријателка - ќесата задник, која за мене значи живот, којшто се надевам дека ќе биде подобар во иднина.
Нели е малку бизарно што оваа мала сива торба е цената што морам да ја платам за подобро здравје?
Велам фала Боже што се отарасив од тоа расипано дебело црево!
Затоа ве молам бидете љубезни со мене“ – порача ријалити ѕвездата, која се потруди да ја нормализира употребата на вакви ќеси.
Инаку, стомата всушност претставува медицински засек кој се прави кога кај пациентот мора да биде отстранет дел од дебелото црево. На тој отвор се прикачува ќеса, која го собира изметот од телото.
Појавата е мошне честа, па и минатата година една Србинка гордо позираше со стомата во Грција со цел да ги разбие предрасудите.
Прочитајте и Србинка на плажа гордо ја покажа стомата на телото за да ги разбие предрасудите: „Ме зјапаат само нашинците“
Б. С. Б. | Црнобело
Би можело да ве интересира:
Препорачуваме
Најчитани неделава
