Ги прекрши правилата на настапот, страда од АДХД – Која е Иркинката што изведе сатанистички ритуал на Евровизија 2024?

Детали

четврток, 09 мај 2024

Како тинејџерка била принцеза на роденденски забави за деца со посебни потреби, а денес изведува мрачни перформанси на евровизиската сцена, од кои на многумина им се смрзнува крвта – Што знаеме за Иркинката Бамби Таг?

Иркинката Бамби Таг успеа да се пласира во финалето на Евровизија 2024, а нејзиниот настап во кој изведуваше сатанистички ритуали ја разбранува европската јавност.

Додека едни се импресионирани од нејзиниот настап, други бараат дисквалификација и отстранување на нејзиниот демонски перформанс.

Бамби пред настапот на првата полуфинална вечер се соочи со непријатности кога од неа беше побарано од лицето да отстрани натпис, со кој сакаше да упати порака.

Со оглед на тоа што од натпреварувачите било побарано да се воздржат од политички пораки за време на настапите, Бамби нашла начин во нејзината костимографија да внесе натпис на антички галски јазик: „Слобода за Палестина“ и „Прекин на огнот“.

Организаторите брзо го увиделе натписот и побарале од неа да го отстрани.

Самата појасни дека подоцна одлучиле натписот да го променат во „Крунисајте ја вештерката“ (Crown the Witch).

Но, роговите, демонската костимографија, танцот, како и електро-поп нумерата беа премногу за некои гледачи.

Што знаеме за Иркинката која успеа да ја разбранува јавноста со настапот и со нејзината песна Doomsday Blue?

Бамби Таг е родена како Бамби Реј Робинсон во 1993-та година, од татко Швеѓанец и мајка Иркинка и пораснала во малото гратче Макрум во Ирска.

Бамби има 3 сестри, а била дијагностицирана со АДХД – Дефицит на внимание и хиперактивност. Во своето слободно време често знаела да работи како принцеза маскота на забави за деца со посебни потреби.

Како мала сонувала да стане балерина, па добила стипендија за да студира во Лондон. Но, по повреда на раката, морала да се откаже од балетот и се префрлила да студира музички театар. По завршувањето на студиите целосно се посветила на настапите и на музиката.

Продолжува на следната страница...