Спонзорирано од:
Спонзорирано од ОгласиЗаРабота.мк


Била пресреќна што се мажи за милионер, и по 42 години никој не знае каде е - Морничавата приказна на Кејтлин Мекормак

По само два состаноци ја убедил да почне да живее со него. Таа го придружувала на сите важни настани во високите кругови, па дури и абортирала за тој да биде среќен. Морничавата приказна на Кејтлин Мекормак која 40 години се смета за исчезната, а нејзиниот сопруг беше обвинет за нејзиното убиство.

se-omazhila-za-milioner-i-ischeznala-i-po-42-godini-nikoj-ne-znae-kade-e-mornichavata-prikazna-na-kejtlin-mekormak-01.jpg

Во 2021-ва година милионерот Роберт Дерст беше обвинет за убиството на неговата сопруга Кејтлин Мекормак, речиси 40 години по нејзиното исчезнување.

Нивната морничава приказна во тоа време привлекуваше внимание и е една од приказните што со години будела интерес кај креаторите на криминалистички документарни серии.

Роберт на возраст од 78 години беше осуден на доживотна казна затвор, а почина во 2022-ра година, само неколку години по издржувањето на казната.

se-omazhila-za-milioner-i-ischeznala-i-po-42-godini-nikoj-ne-znae-kade-e-mornichavata-prikazna-na-kejtlin-mekormak-17.jpg

Кејтлин Мекормак била мошне млада девојка кога го запознала нејзиниот сопруг Роберт Дерст во 1972-ра година. Таа имала само 19 години, а тој 27.

Кејтлин била девојка која израснала во Њујорк, а уште додека била во средно образование работела на повеќе работни места за да се издржува.

Нејзиниот живот значајно се променил кога го запознала наследникот на богатата империја со недвижнини, Роберт Дерст.

se-omazhila-za-milioner-i-ischeznala-i-po-42-godini-nikoj-ne-znae-kade-e-mornichavata-prikazna-na-kejtlin-mekormak-03.jpg

Тие почнале да се забавуваат во 1971-ва година, а по само 2 состаноци тој ја убедил да се пресели заедно со него во Вермонт, каде заедно имале продавница за здрава храна.

Сепак, тие не останале долго таму и се вратиле во Њујорк.

Во 1973-та година стапиле во брак и заедно оделе на патувања, а во Њујорк редовно биле гости на забавите и на познатите настани во високите кругови и познатите клубови во тоа време.

Но, иако на изглед Кејтлин живеела живот на принцеза, зад затворени врати никој не знаел низ каков кошмар поминувала.

se-omazhila-za-milioner-i-ischeznala-i-po-42-godini-nikoj-ne-znae-kade-e-mornichavata-prikazna-na-kejtlin-mekormak-02.jpg

Во 1976-та година таа дознала дека е бремена и сакала да го задржи бебето, но сопругот ја присилил да абортира.

Нејзиното семејство го пронашло нејзиниот дневник, каде пишувало дека на „пат кон болницата сопругот ѝ фрлил вода врз главата“.

Кејтлин исто така пишувала дека за време на бракот, Роберт честопати знаел да ѝ удри шлаканица или бокс, а нејзиното семејство имало можност да види како тој ја влече за коса затоа што не сакала да си оди од забавата каде што присуствувале заедно.

Кејтлин не сакала да ги послуша советите и да го напушти сопругот којшто ја малтретирал, но сепак се запишала на медицински факултет и сакала да изгради сопствена кариера.

Но, само неколку месеци пред да ја земе дипломата, ѝ се губи секаков траг.

se-omazhila-za-milioner-i-ischeznala-i-po-42-godini-nikoj-ne-znae-kade-e-mornichavata-prikazna-na-kejtlin-mekormak-06.jpg

Според официјалната приказна, на 31-ви јануари 1982-ра година Роберт ја однел Кејтлин на железничка станица, каде се качила на воз за Менхетн, а потоа исзчезнала.

Нејзиното исчезнување го пријавил „загрижениот сопруг“, но пет дена подоцна.

Тој дури и рекол дека таа му се јавила истата вечер од говорница и му потврдила дека стигнала во нивниот стан.

На тој начин тој од самиот почеток го оттргнал вниманието на полицијата од себеси, а никој не можел да открие што всушност се случило со Кејтлин.

se-omazhila-za-milioner-i-ischeznala-i-po-42-godini-nikoj-ne-znae-kade-e-mornichavata-prikazna-na-kejtlin-mekormak-08.jpg

Семејството на Кејтлин и нејзините блиски пријатели биле уверени дека Роберт бил виновен за нејзиното исчезнување, но не можеле да најдат доволно докази за да докажат дека тоа е така.

Според сведоштвото на еден од соседите во Менхетн, една вечер Кејтлин се качила на неговиот балкон и го молела да ѝ отвори затоа што сопругот ѝ се заканувал со пиштол и бил насилен кон неа.

Во 1990-та година, 8 години по исчезнувањето на Кејтлин, Роберт легално се развел од неа, тврдејќи дека таа го напуштила и не сакала да комуницира со него, а случајот за убиството на Кејтлин бил затворен како нерешен.

Во 2000-та година, 18 години по исчезнувањето полицијата повторно го отворила случајот, а истата година Роберт одлучил да исчезне.

Се верува дека се скрил во Тексас, каде живеел во стан и се претставувал како нема жена со име Дороти Сајнер.

Исто така, во овој период без никој да знае стапил во брак со Дебра Чартан, која работела како трговец за недвижности.

se-omazhila-za-milioner-i-ischeznala-i-po-42-godini-nikoj-ne-znae-kade-e-mornichavata-prikazna-na-kejtlin-mekormak-04_copy.jpgРоберт со втората сопруга

Во декември истата година, неговата добра пријателка Сузан Берман била најдена мртва, но со оглед на тоа што таа била ќерка на мафијашки шеф од Вегас, сомнежот за нејзиното убиство паднал врз други луѓе.

Во септември 2001-ва година во Тексас, било најдено распарченото тело на соседот на Роберт, Морис Блек, по што милионерот конечно бил обвинет за убиство.

Но, во 2003-та тој успеал да докаже дека убиството го извршил во самоодбрана и да биде ослободен од обвиненијата.

Можеби никој немало да дознае за трите убиства, но во 2010-та година, откако режисерот Ендрју Јарецки објавил филм за животот на милионерот, насловен All Good Things, Роберт побарал да ја раскаже својата приказна во документарен филм.

se-omazhila-za-milioner-i-ischeznala-i-po-42-godini-nikoj-ne-znae-kade-e-mornichavata-prikazna-na-kejtlin-mekormak-11.jpg

За време на снимањето на филмот насловен The Jinx: The Life and Deaths of Robert Durst биле откриени повеќе детали поврзани со убиствата, па дури бил и снимен како зборува во тоалетот:

„Што направив? Сите ги убив, секако. Ете, ме фативте!“

se-omazhila-za-milioner-i-ischeznala-i-po-42-godini-nikoj-ne-znae-kade-e-mornichavata-prikazna-na-kejtlin-mekormak-15.jpg

Роберт бил уапсен во 2015-та година.

За време на неколкугодишното судење, обвинителите верувале дека Роберт прво ја убил неговата прва сопруга Кејтлин.

Потоа, другарката Сузан ја убил затоа што таа сакала да оди во полиција и да каже што навистина се случило со Кејтлин, а старецот Морис Блек бил убиен затоа што успеал да го открие вистинскиот идентитет на милионерот, додека живеел во бегство во Тексас.

se-omazhila-za-milioner-i-ischeznala-i-po-42-godini-nikoj-ne-znae-kade-e-mornichavata-prikazna-na-kejtlin-mekormak-07.jpgРоберт со најдобрата другарка Сузан

Тој беше обвинет за сите три убиства, но засега никој не знае што точно се случило со неговата прва сопруга.

Роберт никогаш не признал што направил со нејзиното тело, а властите не веруваат дека некогаш ќе имаат можност да одговорат на овие прашања.

se-omazhila-za-milioner-i-ischeznala-i-po-42-godini-nikoj-ne-znae-kade-e-mornichavata-prikazna-na-kejtlin-mekormak-14.jpg

Б. С. Б. | Црнобело

Би можело да ве интересира:

„На 16 години бев бездомник, спиев на улица, сакав да си го одземам живот - сè се смени кога ме прим... Клои Помфрет пораснала во згрижувачки дом, а станала бездомник на 16 години. Спи...
Сопругот ја напуштил за 15-годишно девојче - Детали за тешкиот живот на Линда Еванс Ѕвездата од „Династија“, била сон на секој маж, но немала среќа во љубовта и со ...
„По 8 спонтани абортуси конечно добив син – сопругот ја продаде колекцијата патики за да платиме ин-... „Не бев сигурна дека некогаш ќе добијам бебе, а сега го држам во раце“ – вели же...
Вдовицата на Хефнер: „Од лошата хигиена во палатата добив болести, на Хју му беше здодеано од секс“ По 8 години живот во Плејбој палатата Кристал добила лајмска болест, а било утвр...
„Ќе има кој да ме чува кога ќе остарам“: 70-годишна жена од Уганда роди близнаци 70-годишна жена од Уганда роди близнаци со што стана една од најстарите родилки ...
Девојка се соочува со критики: „Се омажив за бебиситерот што ме чуваше кога имав 4 години“ „Ти беше најдобриот бебиситер во мојот живот. Среќна сум што големата разлика во...

Најчитани неделава

sonovnik-sidebar.jpg