Вирално видео: Неуспешно запросување во Париз - девојка го одби дечкото и избега со трчање

Детали

понеделник, 08 јули 2024

Она што момчето очекува да биде еден од најубавите моменти во неговиот живот, се претвора во вистински кошмар, откако девојката која ја бара за сопруга почнува да бега со трчање.

Идејата за романтично запросување во Париз, на една од најубавите локации во градот, стана вистински кошмар за еден пар.

Видеото од неуспешното запросување на Монмартр, за кратко време стана вирално.

На ТикТок деновиве се споделува видео од момче кое клекнува на колено пред својата девојка пред катедралата Sacré-Cœur на Монмартр во Париз.

Тој е дотеран во црвен костум и на романтичната локација вади прстен за да ја побара за сопруга својата девојка, додека случајните минувачи го снимаат запросувањето.

Но, она што момчето очекува да биде еден од најубавите моменти во неговиот живот, се претвора во вистински кошмар, откако девојката почнува да трча по скалите и да бега низ толпата.

Таа е очигледно вознемирена, бидејќи се забележува дека почнува да плаче и си ја покрива устата со раката.

Момчето, пак, во неверување, станува, а потоа клекнува на земјата, и почнува и тој да плаче.

И додека едни не знаат како да реагираат, неколкумина луѓе близу него го прегрнуваат и го тешат.

Погледнете го видеото кое има преку 16,7 милиони прегледи на ТикТок:

https://www.tiktok.com/@barstoolsports/video/7385333557041843498

А. Ј. | Црнобело