Поранешниот телохранител на Меган Маркл: „Во Лондон ја чекаше истата судбина како Дијана – секој ден нѐ прогонуваа“

Детали

вторник, 15 октомври 2024

„Ја бие лош глас дека е ужасна газдарица и дека беше злобна кон кралското семејство и тоа ме боли“ – вели поранешниот телохранител на Меган Маркл, Стив Дејвис, кој ја откри вистината од неговото искуство, за тоа каква е поранешната војвотка како личност.

Додека голем број вработени ја обвинуваат Меган Маркл и додека таа стана „црна овца“ во кралското семејство која го отуѓи сопругот од најблиските, нејзиниот поранешен телохранител Стив Дејвис, одлучи да стави крај на приказните и да застане во нејзина одбрана.

Тој даде ексклузивно интервју за InTouch Magazine каде отворено зборуваше за своето искуство како вработен за војвотката, но и за тоа што тој одблиску имал можност да го забележи како човек кој бил задолжен за нејзината безбедност.

„Ја бие лош глас дека е ужасна газдарица, дека е злобна кон кралското семејство.

Но, јас имав можност да ја видам како работи во студио, како работеше со хуманитарни организации, со шетачи на кучиња и хигиеничари.

Има една голема лекција што ја научив од неа, а тоа е:

’Однесувај се со почит за да добиеш почит‘“ – вели Стив.

Но, подоцна кога станала дел од „Фирмата“, телохранителот вели дека почнал да ја сожалува, затоа што притисокот од публиката станал неподнослив.

Голем број од британските новинари се собрале во Торонто, каде што живеела таа и почнале да го следат секој нејзин чекор.

„Стана параноична. Имавме луѓе што нè следеа каде и да одиме. Имавме проблеми со дронови.

Нè прогонуваа автомобили. Животот ѝ се претвори во кошмар.

Сè што сметаше дека е секојдневие во нејзиниот живот, одеднаш исчезна.

Неколку недели откако почнав да работам за неа, ја прашав: ’Што сакаш навистина да правиш?‘

Ми рече: ’Посакувам да можев да одам во маркет…‘

Тоа не ѝ било дозволено од претходното обезбедување. Така јас ја туркав количката во маркетот, а таа ставаше предмети во неа и навистина беше среќна“ – раскажува Стив.

Откако се преселила во Лондон, ситуацијата само дополнително се влошила.

„Фотографите ја следеа насекаде, поминуваа на црвено, обидувајќи се да ни се доближат.

Ваквите опасни ситуации беа многу чести.

Ако останеше во Лондон стравувам дека на Меган ќе ѝ се случеше истото што ѝ се случи на принцезата Дијана“ – вели човекот чија главна цел била да се грижи за безбедноста на Меган.

Инаку, тој од своја страна ги потврдува изјавите на Меган за депресијата и проблемите со менталното здравје коишто следеле откако таа станала членка на семејството.

Според него, главен проблем било тоа што некој друг ја раскажувал нејзината приказна и таа го загубила правото на глас.

„Таа го сака Хари. Таа си ги сака децата, но многу лесно можете да паднете во депресија, ако се плашите да отворите весник, за да видите што зборуваат луѓето за вас.

Бакингемската палата ги контролираше односите со јавност, нешто што Меган претходно беше навикната да го прави сама со својот тим“ – вели тој.

За крај, Стив кажува дека воопшто не му се логични тврдењата дека таа е лоша личност затоа што и покрај целиот притисок што го трпела, таа се трудела да покаже емпатија и разбирање за сите.

„Таа е одлична кон нејзините обожаватели и ќе даде сè од себе за да им помогне на луѓето. Тоа е она што ме боли – што луѓето мислат дека е поинаква“ – вели Стив.

Прочитајте и „Принцот Хари беше вљубен во Кејт, а тоа ѝ пречеше на Меган“ – нови тврдења на кралска авторка

Б. С. Б. | Црнобело