Првата вертикална шума на светот никна во Милано

Детали

понеделник, 12 март 2012

Минатата година светот го обиколи веста за плановите на Stefan Boeri за изградбата на неверојатната „вертикална шума“ во Милано. Но, за разлика...

...од бројните слични урбани фантазии кои никогаш не се остваруваат, овој проект веќе почна да се реализира, така што сега сме сведоци од никнувањето на првата вертикална шума на светот.

Секој стан ќе има балкон, конструиран да може да прими околу 900 мали стебла и други растенија, што ќе направи целата фасада од довршената зграда да изгледа како импресивна шума.

Проектот за изградба на вертикална шума ќе чини околу 6 милиони евра, а во огромната скалеста градба која што никнува нема да биде сместена само шума, односно дрва, туку и луксузни станови.

Според плановите, растенијата во оваа кула треба да завземаат простор од околу 10.000 метри квадратни, од што ќе има многукратна корист, како што се: филтрирање на загадувањата, апсорбирање на честичките од прашина и јаглен диоксид, подобрување на микроклимата и заштеда на енергија (зградата ќе биде заштитена од сонце) и намалено сливање на вода по фасадата.

Кој не би сакал да живее во шума во градот и да ужива во поглед од 27-миот кат?