Инфлуенсерка добила 20.000 евра на суд, откако вработена во ZARA ѝ ја тргнала завесата од гардеробата и ја обвинила за кражба

Детали

петок, 21 февруари 2025

20-годишна инфлуенсерка тужела вработени во ZARA во Даблин откако ѝ ја тргнале завесата од соблекувалната додека се облекувала, а притоа ја обвиниле за кражба. Од тужбата добила 20.000 евра.

Кристал Џојс е ТикТок инфлуенсерка од Ирска која неодамна добила тужба против вработени во ZARA.

20-годишната Кристал, која има над 120.000 следбеници на ТикТок, во тужбата навела дека жена од обезбедувањето во продавницата ѝ ја тргнала завесата од соблекувалната додека се облекувала.

Инцидентот се случил во најголемата ZARA продавница во Ирска која е лоцирана во Даблин.

Кристал често објавува видеа на кои пробува облека низ разни продавници и на некој начин ги промовира парчињата на ТикТок.

Додека пробувала облека во продавницата на ZARA, вработената не само што ја тргнала завесата додека Џојс се облекувала, туку на глас ѝ рекла дека крадела и дека ќе викнела уште некој од обезбедувањето.

Џојс вели дека сето ова го слушнале и другите купувачи.

Кога таа сакалa да излегле од соблекувалната, жената не ѝ дозволила.

По некое време дошле и други вработени кои ја испрашувале.

На крај Џојс била пуштена, но решила да поднесе тужба бидејќи целиот инцидент би можел да ѝ ја наруши репутацијата, но и да има влијание врз нејзината работа како инфлуенсерка.

Судијата пресудил во корист на Џојс бидејќи изјавите на вработените од ZARA не се совпаѓале и немало никакви докази дека девојката пробала да украде нешто.

„Сметам дека госпоѓица Џојс е искрен сведок и дека била загрижена за својата репутација“, заклучил судијата.

На крај, одредил на Џојс да ѝ бидат исплатени 20.000 долари.

Според Daily Mail, засега ни Џојс ни претставниците на ZARA се немаат огласено за судењето.

Во меѓувреме, се чини дека Кристал го деактивирала својот ТикТок профил.

Но, нејзиниот случај се споделува на социјалната мрежа, а многу корисници споделуваат слични искуства во продавници на ZARA:

„Јас и моја пријателка пазаревме во ZARA и купивме навистина многу работи… Но, нè следеше обезбедувањето и кога сакавме да излеземе, нè натера да извадиме сè од кесите и да докажеме дека сме платиле“.

„Искрено, во секоја ZARA продавница ми е непријатно. Престанав да купувам од таму откако обезбедувањето ме следеше наоколу, без разлика што немав допрено ништо“.

„И јас сум била во слична ситуација“.

Спирова С. | Црнобело