Заглавените астронаути се вратија на Земјата: Не можат да одат сами, може да имаат проблеми со срцето и видот

Втора фаза

Штом ќе ги зајакнат мускулите, астронаутите ќе работат на подобрување на координацијата на телото со вежби како стоење на една нога.

Исто така, ќе имаат кардио тренинзи, како трчање, со цел да си ја вратат издржливоста.

Трета фаза

Третата фаза која обично е најдолга има за цел да ги врати астронаутите во состојбата во којашто биле пред да одат во вселената.

Ова може да вклучува поинтензивни вежби.

Повеќето астронаути ја завршуваат третата фаза по 45 дена, но ако има потреба, таа се продолжува за неколку недели, па и месеци.

Некои астронаути никогаш нема целосно да закрепнат од долгиот престој во вселената.

Со какви потенцијални проблеми се соочени Сунита и Бери откако се вратија?

Еден од најголемите проблеми за астронаутите се драстично ослабените мускули.

Иако тие секојдневно вежбаа на Меѓународната станица, на телото му е потребна земјената гравитација за да функционира оптимално.

Истражувањата покажале дека астронаути на возраст помеѓу 30 и 50 години, губат околу половина од нивната сила по шест месеци во вселената.

Сунита има 59 години, додека Бери веќе има 62 години, што значи ќе треба да работат понапорно.

Покрај мускулите, ниската гравитација има влијание и врз кардиоваскуларниот систем.

Во микрогравитација, кардиоваскуларниот систем не мора да работи толку напорно како на Земјата за циркулацијата на крвта, па по неколку месеци, може да се намали неговата функција.

Овде е и вселенската радијација – за само една недела на Станицата, астронаутите се изложени на зрачење колку за една година на Земјата.

Уште се истражуваат долгорочните ефекти на вселенската радијација, но јасно е дека може да го зголеми ризикот од разни проблеми со здравјето.

Може да се јават и проблеми со кожата поради алергени на станицата, но и поради ослабениот имунолошки систем.

Долгите вселенски мисии имаат влијание и врз видот, повторно поради микрогравитацијата.

Сунита и Бери поминаа девет месеци во вселената – многу повеќе од вообичаените мисии кои се сметаат за долги.

Па, нивното закрепнување може да биде поразлично и да трае подолго.

Спирова С. | Црнобело