Заглавените астронаути се вратија на Земјата: Не можат да одат сами, може да имаат проблеми со срцето и видот

Детали

среда, 19 март 2025

По девет месеци во вселената, астронаутите Сунита (59) и Бери (62) ќе поминат најмалку 45 дена на рехабилитација, со цел да си го стабилизираат здравјето. Со какви проблеми може да се соочат по толку долг престој во микрогравитација?

По девет долги месеци на Меѓународната вселенска станица, астронаутите Сунита (Суни) Вилијамс и Бери (Буч) Вилмор, конечно се вратија на Земјата.

Тие слетаа покрај брегот на Талахаси, Флорида вчера во 22:57 часот (17:57 по американско време).

Астронаутите се вратија со капсулата Crew Dragon на SpaceX, а помошници во мисијата им беа астронаутот Ник Хаг од НАСА, како и космонаутот Александар Горбунов.

Откако капсулата слета во океанот, спасувачки тим ја извлече на брегот пред да ја отвори вратата.

Сунита и Бери беа ставени на носилки бидејќи по девет месеци во микрогравитација, не се во можност да се движат сами.

Иако се на Земјата, Сунита и Бери ќе поминат неколку дена во просториите на НАСА во Хјустон каде што ќе се следи нивното здравје. Дури потоа ќе можат да одат кај нивните семејства.

Обично астронаутите кои се враќаат од долги мисии на Меѓународната вселенска станица поминуваат програма за рехабилитација која трае 45 дена.

Како ќе се одвива адаптирањето на Земјата, по девет месеци во вселената?

Прва фаза

Најпрво, астронаутите треба да си ги вратат силата, флексибилноста и способноста за одење.

За оваа цел, најверојатно ќе вежбаат секој ден со цел да ги зајакнат мускулите.

Продолжува на следната страница...