„Платив 6.000 долари за хормонски имплант за убавина – ја изгубив косата и си го загрозив здравјето“

Детали

сабота, 05 април 2025

Бразилка која работи како модел си ставила хормонски имплант кој бил рекламиран како „чип за убавина“. Но, наместо да се разубави, постојано била подуена, косата почнала да ѝ паѓа и си го загрозила целото здравје.

Во ерата на социјалните мрежи, кога постојано сме бомбардирани со фотографии и видеа од совршени девојки и жени, нормално е многумина да бидат загрижени за својот изглед.

Од една страна, навистина е добро што водиме подобра грижа за изгледот, а со тоа и здравјето.

Но од друга, проблем е што некои девојки и жени одат до екстреми и дури си го ризикуваат здравјето за убавина.

Во оваа категорија спаѓа плејбој моделот Џанаина Прасерес од Бразил.

35-годишната Бразилка си ставила имплант, познат како „чип за убавина“ и потрошила речиси 6.000 долари за процедурата.

Имплантот е рекламиран како уред кој го поттикнува слабеењето, ги обликува мускулите, го забавува стареењето, па дури и ги ублажува симптомите на менопауза.

„Чипот за убавина“ се прослави во Бразил, но набрзо беше забранет поради опасните несакани ефекти.

А, Бразилката ги чувствувала овие последици, дури и откако го отстранила чипот.

Овие импланти честопати содржеле хормони kако тестостерон и естроген, што значи можат сериозно да ја нарушат рамнотежата на хормоните во телото.

Џанаина го ставила имплантот со надеж дека ќе ѝ помогне да го зацврсти своето тело, но и за да биде поубава.

Но, кратко по ставањето во 2018 година, почналa да чувствува последици.

„Исходот беше спротивно од она што очекував. Чипот може да предизвика преголемо количество на одредени хормони, но и да доведе до проблеми со бубрезите, паѓање на косатa и инфекции во областа на гениталиите“.

Откако го ставила имплантот, речиси постојно се чувствувала подуено, а истакнува и дека нагло ѝ се зголемил апетитот.

„Бев очајна, се чувствував ужасно и се обвинував бидејќи не се откажав порано. Но, верував во лажно ветување за убавина“.

На Бразилката почнала да ѝ паѓа и косата, но уште се надевала дека имплантот ќе почне да функционира.

„Инсистирав да го имам уште две и пол години. Но, потоа почнав да имам чести уринарни инфекции, па дури ми се создадоа камења во бубрезите поради вишокот хормони“.

Кога решила да оди на лекар, ѝ кажале дека има преголемо количество тестостерон, како и дека ѝ е нарушена целата хормонална рамнотежа во телото.

Лекарот ја предупредил дека ако не го отстрани имплантот, може да биде невозможно да се врати во нормала.

Во меѓувреме, моделот вели дека престанала и со работа бидејќи изгледала ужасно.

Таа го отстранила имплантот во 2022-ра, но додава дека до денес чувствува последици.

„Менструацијата уште не ми е редовна и дури сега почна да ми се подобрува состојбата на косата“.

Вели и дека ја споделува својата приказна како предупредување за другите девојки и жени.

„Сега воопшто не би го препорачала имплантот бидејќи е ризик за животот, здравјето и самодовербата.

Нема ништо подобро од тоа да се грижите за себе и да го почитувате вашето тело“.

Повеќе фотографии на следната страница...