Купува скапи розови автомобили за девојка му, ѝ подарува накит среде улица – Кој е богатиот Иранец што се расфрла со пари?

Детали

понеделник, 28 април 2025

За 18-тиот роденден на девојка му ѝ подари розов Rolls-Royce со нејзиното име извезено на седиштата, а сега за 19-тиот, среде улица пред толпа народ ѝ подари накит и куп Louis Vuitton ќеси. Со години води луксузен животен стил, а го критикуваат дека живее на грбот на татко му, кој бил ирански дипломат. Што знаеме за овој 36-годишен Инстаграм богаташ?

Саша Собани е 36-годишен музичар и син на поранешен ирански дипломат во Венецуела, кој живеел неколку години во Шпанија.

Тој е познат по тоа што на својот Инстаграм профил објавува фотографии на кои го прикажува својот скап и луксузен живот, но во минатото се најде и во проблеми со законот и властите на Иран.

„Го критикувам режимот и недостатокот на слобода, ги учам младите како да живеат и им покажувам дека и тие можат да живеат како мене. Секако, Иран не може да прифати дека синот на некој функционер кажува вакви работи“ – изјавил тој во една прилика за шпанскиот El Mundo.

Во 2021 тој беше обвинет за водење нелегални вебсајтови за коцкање, како и за перење пари, но ги отфрли обвинувањата, велејќи дека режимот на Иран не го прифаќа неговиот животен стил и сака да го екстрадира за да го затвори и казни, каде ќе биде тортуриран.

Откако помина целата драма, тој повторно се врати на луксузниот живот, а на Инстаграм го покажува раскошот во кој живее и задоволствата кои си ги дозволува секојдневно.

Приватни авиони, патувања по сите елитни места на светот, облека од најпознатите брендови, скап возен парк со луксузни автомобили кои најчесто се подарок за неговата девојка.

Неодамна, тој предизвика бурни реакции по повод изненадувањето кое го приреди за 19-тиот роденден на неговата девојка Лаура.

Додека заедно излегуваа со ќеси од Louis Vuitton, на улицата пред продавницата ги дочека розов автомобил, со нејзиното име извезено на седиштата, каде имаше две кутии со накит од Bulgari, а на крај донесоа и торта за неа, додека толпа народ ги набљудуваше и снимаше на тротоарот.

Кликнете ТУКА за да го погледнете видеото. 

Дел од коментарите гласат:

„Сериозно? Не можеше да ѝ го дадеш ова на само, мораше на улица? Тажно...“.

„Саша сака да го покажува луксузниот животен стил како да го заработил, но вистината е дека татко му беше дипломат и живее на негов грб. Згора на тоа, води незаконски сајт за обложување со кој ги мами луѓето. Додека обичните Иранци напорно работат да преживеат, тој краде од нив и покажува како да е нешто за гордеење“.

Минатата година, за нејзиниот 18-ти роденден, тој ја изненади со розовiот Rolls-Royce, а нивната колекција на розови автомобили брои неколку возила од луксузни и скапи брендови, покрај останатите модели.

Кликнете на видеото: 

Инаку, Саша гради кариера како регетон пејач и има издадено повеќе песни за кои снима спотови на разни дестинации. 

Погледнете повеќе фотографии од неговиот животен стил:

M. M. | Црнобело