Која е инфлуенсерката што беше убиена за време на видео во живо на ТикТок и го потресе Мексико?

Детали

четврток, 15 мај 2025

Таа си се снимала за на ТикТок, држејќи плишана играчка, давајќи совети за убавина од својот козметички салон во Мексико кога се случил нападот. Детали за трагичниот случај на Валерија Маркез, кој го згрози Мексико...

Валерија Маркез е 23-годишна мексиканска инфлуенсерка која беше убиена на 13-ти мај додека се снимаше во живо на ТикТок во нејзиниот козметички салон.

Таа е убиена од маж кој влегол во нејзиниот козметички салон во градот Гвадалахара и пукал во неа.

Мотивот за нападот сѐ уште не е утврден, но случајот се истражува како фемицид - убиство на жени и девојчиња поради нивниот пол, потврди обвинителството во Мексико.

Насилството базирано на род е широко распространето во Мексико, каде според Организацијата на Обединетите Нации, секој ден се убиваат по 10 жени или девојчиња, најчесто од партнери или членови на семејството.

Неколку моменти пред нејзината смрт, Маркез седела на маса држејќи плишано животинче во својот салон во едно предградие.

Неколку секунди подоцна, таа била застрелана, а видеото завршило дури кога друга личност го подигнала нејзиниот телефон за да го прекине преносот.

Според локалните медиуми, таа била убиена од маж кој се преправал дека ѝ носи подарок.

Фановите на Валерија, која има повеќе од 200.000 следбеници на ТикТок и Инстаграм, со ужас реагираа на нејзината смрт.

Тие кои го гледале нејзиниот пренос во живо на ТикТок почнаа да споделуваат извадоци од таа снимка, која е отстранета од нејзината официјална страница по убиството.

Мексиканските медиуми пишуваат дека на видеото може да се слушне како Валерија вели дека нејзината пријателка Вивиан де ла Торе ѝ носела „скап“ подарок, што никогаш не се случило, и поради што таа чекала повеќе од еден час, сè додека не била убиена.

Продолжува на следната страница...