Вирално видео: Дадилка влетува со мини возило низ стакло во дневна – за малку ќе удреше во мајката со бебето

Детали

среда, 28 мај 2025

На социјалните мрежи вирално се шири видео од застрашувачка ситуација, кога дадилка тргнува во погрешна насока и со електрична количка влетува низ стакло во дневната на семејната куќа и за малку избегнува удар во мајката и бебето.

Драматична сцена од безбедносна камера во куќа во Тајланд се шири низ социјалните мрежи.

На снимката се гледа како дадилката на семејството кое живее во куќата, седнува во електрична количка и тргнува во погрешна насока, па влетува низ стаклото во дневната соба.

Она што е пострашно, е што за многу малку ги избегнува мајката и бебето кое го држи во рака, a се наоѓаат веднаш зад стаклото, односно мајката успева брзо да избега на другата страна со преплашеното дете. 

Настанот се случил на 14 мај 2025, а откако дадилката прво изјавила дека не работеле педалите, потоа си дала отказ заради грижата на совест.

Медиумите од светот и Тајланд, пренесуваат дека сопственикот на домот Пријапорн Сирихаитум, го прифатил отказот, но не ја казнил дадилката, иако поправката на сторената штета ќе го чини околу 800 евра. 

„Судирот се случи на 14 мај, кога дадилката сакаше да го однесе моето најстаро дете до продавница. Не знам како се случи тоа, но таа тврдеше дека педалата за гас била заглавена, што предизвикало да се удри во куќата.

Викнав електричар да го провери возилото, но ми рекоа дека е во ред, со оглед на тоа што беше купено претходниот ден.

Претпоставуваме дека дадилката го ставила возилото во погрешна брзина и потоа ги измешала педалите, па по грешка упорно газела на педалата за гас“ – гласи неговата изјава.

Погледнете го видеото од безбедносната снимка:

М. М. | Црнобело