Трагичната приказна за Индијката на која маж ѝ фрлил киселина во лице бидејќи го одбила за брак

Детали

сабота, 07 јуни 2025

Лакшми Агарвал на 15-годишна возраст била нападната со киселина од страна на Наим Кхан, 32-годишен маж кој подолго време ѝ се додворувал. Денес таа е хероина од реалноста, која во меѓувреме доби и ќерка и се бори за правата на сите жртви од напади со киселини.

Лакшми Агарвал (35) е индиска активистка за човекови права, која стана симбол на борбата против нападите со киселина во Индија.

Родена е на 1 јуни 1990 година во Њу Делхи. Животот ѝ се променил засекогаш во 2005 година, кога имала само 15 години.

Во 2005-тата, Лакшми била нападната со киселина од страна на Наим Кхан, 32-годишен маж кој подолго време ѝ се додворувал.

Тој ѝ предложил брак, но таа го одбила.

Навреден од нејзиното одбивање, Наим организирал напад и со помош од свој роднина ја пресретнал Лакшми додека одела по улица и ѝ фрлил киселина во лице.

Последиците биле катастрофални. Лакшми претрпела тешки изгореници на лицето, вратот и делови од телото.

Поминала низ бројни хируршки интервенции за реконструкција на лицето, што вклучувале кожни трансплантации и рехабилитација.

По нападот, Лакшми и нејзиното семејство започнале долга правна битка.

Во 2013 година, индискиот Врховен суд нареди наметнување построги регулативи за продажба на киселина и построги казни за напаѓачите.

Лакшми поднесе и тужба во јавен интерес, со која бараше целосна забрана за продажба на киселина во Индија.

И делумно благодарение на нејзината храброст, се воведоа строги законски измени.

Лакшми стана симбол на движењето против нападите со киселина. Таа ја водеше кампањата #StopSaleAcid која имаше огромен медиумски одек и собра поддршка од илјадници луѓе во Индија. Целта беше да се запре слободната и неконтролирана продажба на киселина, која често беше достапна во обични продавници.

Продолжува на следната страница...