Саксофонист свири на руфтоп во либански ресторан додека ракети летаат кон Израел – сите снимаат како да е огномет (видео)

Детали

понеделник, 16 јуни 2025

На социјалните мрежи се шири вирално малку бизарна снимка на која либански саксофонист свири на руфтоп за гостите кои опуштено уживаат во вечерата и забавата, додека на небото ирански ракети летаат за да го нападнат Израел.

Додека Израел и Иран се под отворен оган, една од соседните земји гледа од „задните редови“.

Иран нападна делови од Израел со ракети, а во нападот уништени се повеќе објекти, има убиени и повредени.

Но, додека ракетите се упатувале кон Израел, наводно луѓето од Либан го следеле нападот од небото како да е огномет.

На социјалните мрежи вирално се споделува снимка, за која се шпекулира дека е направена во либански ресторан.

На снимката се гледа како саксофонист свири на руфтоп, додека гостите опуштено уживаат во својата вечера, а голем дел од нив го снимаат летањето на ракетите на небото.

Светските медиуми ја споделија снимката со опис „Во меѓувреме во Либан“, но засега уште не може за сигурно да се потврди автентичноста и точната локација на видеото.

Кликнете на видеото:

На Твитер се претпоставува каде може да е направено видеото, од каде што има таков поглед, но се пишува и дека светлата на небото може да се од огномет или дронови.

Сепак, заради тензијата во регионот, се претпоставува дека веројатно може да се и ракети, што би го претставило животот во Либан каде се живее комплексна реалност и се балансира помеѓу ноќниот живот и конфликтите во околината.  

Претходно, на YouTube каналот на новинската агенција Agence France-Presse, беше објавено и видео од либанска свадба, на која музиката прекинува за гостите да го проследат прелетувањето на ракетите на небото, а потоа сите продолжуваат да се забавуваат. 

Погледнете го видеото ТУКА.

М. М. | Црнобело