Кејт Мидлтон со круна на принцезата Дијана, Доналд и Меланија главни гости: Како помина раскошниот банкет во замокот Виндзор?

Детали

четврток, 18 септември 2025

Во замокот Виндзор се одржа државен банкет во чест на американскиот претседател Доналд и сопругата Меланија. Настанот се подготвувал шест месеци, а 160-те гости беа сместени на маса долга дури 50 метри. Како помина раскошниот настан?

Синоќа (17.09) американскиот претседател Доналд Трамп и Меланија беа почестени со државен банкет во замокот Виндзор.

Моментално претседателот и првата дама се на посета во Англија, каде што беа свечено пречекани од кралот Чарлс, кралицата Камила, принцот Вилијам и Кејт Мидлтон.

Достојна на својата титула, принцезата Кејт изгледаше прекрасно во долг фустан со златна тантела, а на главата ја носеше круната позната како Lover’s Knot.

Круната ѝ припаѓаше на принцезата Дијана која имаше изјавено дека е толку тешка, што ѝ создавала главоболки.

Круната е изработена во далечната 1914 година и е украсена со бисери и дијаманти.

Принцот Вилијам ја носеше таканаречената виндзорска униформа – темносин костум со црвена јака и црвени ракави, во комбинација со бела кошула.

На сакото му беа закачени четири медали кои ѝ припаѓаа на кралицата Елизабета, како и медалот од крунисувањето на кралот Чарлс.

Во истата униформа беше облечен и кралот Чарлс, додека Доналд Трамп носеше црн фрак со бела кошула.

За свечениот настан, Меланија Трамп носеше долг жолт фустан со долги ракави и разголени рамена, а на половината носеше виолетов колан. Кралицата Камила носеше темносин фустан.

Бидејќи државниот банкет во замокот Виндзор е настан од големо значење, во целата организација е вклучен самиот крал.

Тој ги проверувал и најмалите детали, вклучувајќи и тоа како се поставени чиниите и чашите за секој од гостите.

Продолжува на следната страница...