Спиел со Русинки и се заразил од нив, имал афери со жени во брак: Бил Гејтс спомнат во документите на Епстин, се огласи и Мелинда

„Како сол на раната, потоа ме молиш да ги избришам мејловите за твојата сексуално пренослива болест, твоето барање да ти најдам антибиотици што скришно ќе ѝ ги дадеш на Мелинда и описот на твој пенис“, пишува во мејлот, меѓу другото.

Мејлот можете да го погледнете ТУКА.

Во новообјавените документи има и фотографии од Бил Гејтс со млади девојки чии лица се скриени.

Кратко по објавувањето на документите, се огласи Мелинда Гејтс во поткастот Wild Card, каде што истакна дека чувствува огромна тага за жртвите на Епстин.

„Ниту една девојка не треба да биде ставена во ситуација со Епстин и што и да се случувало со разните луѓе околу него. Ми се крши срцето.

Се сеќавам кога јас бев на истата возраст како тие девојчиња. Се сеќавам кога моите ќерки беа на таа возраст.

За мене лично е многу тешко кога ќе се појават детали. Бидејќи, ова ми буди сеќавања од многу, многу болни периоди во мојот брак“.

Мелинда вели и дека сите луѓе кои биле вплеткани со Епстин треба да одговараат.

„Намерно се оддалечив од сето тоа и продолжив понатаму. Па, сите прашањата за тоа што се случувало… сите тие прашања се за тие луѓе, дури и мојот поранешен сопруг.

Тие треба да одговорат на овие прашања, не јас“.

Во меѓувреме, се огласи и Бил Гејтс кој вели дека жали што го познавал Епстин, а додава и дека она што е кажано во мејловите е лага.

„Наводно, Џефри си напишал мејл сам до себе. Тој мејл никогаш не бил пратен. Тој мејл е лажен. Не знам што мислел. Дали пробувал да ме нападне на некој начин?

Жалам за секоја минута што ја поминав со него и се извинувам за тоа“, изјави милијардерот за австралиската телевизија 9News.

Тој сподели и дека го запознал Епстин во 2011-та, по што неколкупати отишол на вечера со него, но наводно разговарале само за бизнис.

Тврди и дека никогаш не отишол на неговиот озлогласен остров.

„Тој знаеше многу богати луѓе и велеше дека може да ги натера да дадат пари за глобалното здравје.

Бев глупав што минував време со него. Јас сум еден од многуте луѓе кои жалат што го познавале“.

По изјавата на Бил, почна да се споделува уште еден мејл испратен од Џефри Епстин до Борис Николиќ – поранешниот советник на Бил Гејтс.

Во мејлот наводно се зборува за девојка која спиела со Бил, а чие име е скриено.

„Таа ми напиша мејл неколкупати изминативе 2 месеца. Откако ѝ ја пратив пораката ми рече дека имала малку пари не можела да си дозволи клима-уред. Спиела на каучот на пријател. Многу ѝ требале пари…

Твојот пријател Бил е луд. Неговата поранешна девојка, не може да си дозволи клима-уред… Адвокатот ѝ помогна со документите, што значи добра е но нема пари.

Оваа приказна ќе го тргне Трамп од насловните страници… Најбогатиот маж во светот е толку скржав, што неговата поранешна девојка и играчка живее на каучот на пријател“.

Мејлот можете да го погледнете ТУКА.

Овој мејл е испратен на 25-ти јули 2017-та, а Бил Гејтс засега нема кажано ништо за него.

Погледнете и: Проституција, сведоштва за ритуали и канибализам: Детали за случајот со педофилот Џефри Епстин (и новите документи)

Спирова С. | Црнобело