Не крие дека е геј, има свршеник од Аргентина: Кој е новиот (и најмладиот) премиер на Холандија?

Детали

вторник, 24 февруари 2026

Роб Јетен вчера официјално стана премиер на Холандија, откако победи на изборите во октомври. Со ова, Роб е најмладиот, но и првиот премиер на Холандија кој е отворено геј. Што знаеме за него?

Вчера (23.02) Роб Јетен официјално ја презеде функцијата премиер на Холандија.

38-годишниот Роб е најмладиот премиер во историјата на Холандија, но и првиот премиер кој е отворено геј.

Неговата партија Democrats 66 (или D66) победи на изборите во октомври минатата година.

Роб, чие целосно име е Роб Арнолдус Адрианус Јетен, е роден на 25 март 1987-ма, во гратчето Вехел, но детството го поминал во Уден.

Студирал на универзитетот Radbound каде што завршил додипломски и магистерски студии.

Политичката кариера ја започнал како советник во неговата партија D66, а во 2018 станал и парламентарен лидер на D66 во Претставничкиот дом.

Тогаш 31-годишниот Роб станал најмладиот парламентарен лидер во историјата на партијата, а холандските медиуми го критикуваа поради возраста.

Потоа во 2022, Роб станал министер за клима и енергетика, а во 2023-та стана и лидер на партијата D66.

Како што веќе спомнавме, Роб е првиот премиер на Холандија кој е отворено геј.

Тој е во врска со аргентинскиот спортист Николас Кенан кој, пак, е бисексуалец.

Во врска се од 2022 година, а се свршија во 2024-та, но засега не е познато дали планираат да стапат во брак.

Инаку, истополовите бракови во Холандија се легални од 2001 година.

Откако победи на изборите, Роб поретко споделува приватни фотографии на неговиот Инстаграм профил и повеќе се фокусира на кариерата.

Но, претходно споделуваше доста фотки со свршеникот. Неговиот партнер, од друга страна, почесто објавува заеднички фотографии.

Повеќе фотки од новиот премиер на Холандија на следната страница...