Драматична случка во циркуз во Русија: Тигар излезе од мрежа и прошета низ публиката (видео)

Детали

среда, 22 април 2026

„Останете мирни или ќе ја влошите ситуацијата“ - се вели во виралните видеа од руски циркуз, каде се гледа како тигар ја напушта заштитната мрежа од рингот и тргнува да шета низ публика, додека дел од нив паничат, а други ги слушаат упатствата. 

Во рускиот град Ростов на Дон се случи непријатен настан за време на циркуски перформанс со тигри.

На социјалните мрежи и во медиумите вирално се шири видео направено од публика, на кое се гледа како тигар излегува од заштитната мрежа на рингот и тргнува кон публиката.

Додека тигарот се движи низ редовите со седишта, некои семејства со деца веднаш стануваат и заминуваат, а други ги следат упатствата да не паничат, додека еден од тренерите се обидува полека да го фати тигарот и да го изнесе.

„Драги посетители, ве молиме останете мирни или ќе ја влошите ситуацијата“ – се слуша на видеото, како што пренесува The Moscow Times.

Тренерите очигледно успешно го изнеле тигарот, а изјавиле дека немало никакви повреди ниту кон посетителите, ниту кон животното.

Надлежните служби во Русија започнале криминална истрага за случајот.

Погледнете ги видеата:

М. М. | Црнобело