Вирално драматично видео: Млад спасувач на плажа го ризикува животот за да извлече дете - брановите речиси го дават

Детали

вторник, 28 јули 2026

Ваква младина сакаме! 16-годишен спасувач на плажа им одржа лекција на сите. Не се откажа и го спаси 10-годишното момче што се давеше на плажа во Калифорнија. Не се предаде пред монструозните бранови...

Драматично видео од спасување на плажа во Санта Круз, Калифорнија, кога дете беше повлечено од силните, речиси цунами-бранови стана вирално.

Храбар тинејџер спасител, на 16-годишна возраст, се фрли во опасното море и го ризикуваше сопствениот живот.

Спасителот, за кого сведоците, за американските медиуми, велат дека направил едно од најхеројските спасувања што некогаш го виделе - бил идентификуван како 16-годишен средношколец.

Жена што на социјалните мрежи се претставила како мајка на тинејџерот изјавила дека спасителот се вика Рајдер, а се верува дека детето што Рајдер го спасил има околу 10 години.

Видеото од страшното спасување покажува како повеќе посетители на плажата, заедно со уште еден спасител, се обидуваат да влезат во водата, но веднаш изгледале како да се совладани од огромните бранови.

Брановите го покривале Рајдер, но тој изгледа како внимателно да зема воздух пред секој нов удар на брановите и пред повторно да се најде под нив.

Секој пат кога излегува на површина, сè уште цврсто го држи детето.

На крајот, спасителот успеал да го извлече момчето на брегот. Според NBC Bay Area, детето било повторно соединето со своето семејство и било прегледано од медицински екипи.

Сведоци кои коментирале на видеото рекле дека борбата со брановите траела многу подолго отколку што се гледа во снимката, додавајќи дека Рајдер никогаш не го пуштил детето и покрај опасните услови.

Погледнете го виралното видео, кое за среќа добро завршило:

С. С. | Црнобело