Новата шефица на Yahoo предизвика бура помеѓу вработените
- Детали
- понеделник, 25 февруари 2013
Мариса Маер, која релативно скоро беше назначена за генерален директор на компанијата Yahoo, предизвикала вистински немири на работа заради тоа што од вработените барала да доаѓаат секој ден на работа, наместо да работат од дома.
„За ова место да стане најдобро за работа многу важна е комуникацијата и соработката, всушност неопходно е да работиме едни покрај други. Затоа е од клучно значење сите да бидеме во своите канцеларии. До најдобрите одлуки доаѓаме најчесто преку разговорот во ходник или во кафетеријата, запознаваме многу нови луѓе и на импровизираните состаноци со членовите на тимот. Кога работиме дома, често губиме на брзина и квалитет“, истакнала Мариса Маер во интерната порака за вработените.
Како што многумина пренесуваат, незадоволството и гневот на вработените е зачудувачки бидејќи многумина од нив се вработиле токму заради флексибилноста на компанијата.
Минатогодишните истражувања покажале дека работата во домашни услови ја зголемува продуктивноста и го смалува отсуствувањето на работа, исто како што и многумина кои работат во домашни услови работат пет до седум часа подолго во текот на работната недела за разлика од луѓето во канцеларии.
Би можело да ве интересира:
Препорачуваме
Најчитани неделава
