Интернет бедуини

Детали

среда, 24 јуни 2009

Се појавија најпрвин во Сан Франциско и себеси се нарекуваат бедуини, иако единствена карактеристика по која се разликуваат од традиционалните...

 


... бедуини од пустината е тоа што тие постојано се во движење.

Додека пустинските бедуини се преместуваат секојдневно од оаза во оаза овие се преместуваат од кафуле во кафуле. Всушност станува збор за нов вид на најчесто млади компјутерски специјалисти кои не поднесуваат секојдневна работа во канцеларија под надзор на шефот.


 Откако кафулињата во САД почнале со доброто кафе да нудат и удобни фотељи и брз интернет, овие модерни бедуини секојдневно поминуваат многу време во нив, со својот лаптоп.

Некои од нив пишуваат компјутерски програми, други дизајнираат нови производи, одржуваат туѓи веб сајтови, пишуваат нови вести или книги или дури пак водат сопствена интернет компанија.

Никој не знае колкав е бројот на овие интернет бедуини, но сигурно е дека тие секојдневно се шират.

Аналитичарите за оваа ново настаната ситуација ја споредуваат со времето кога младите генијалци во своите компании ги создаваа првите чекори на денес многу моќни интернет компании, па исто така денес новите млади генијалци во кафулињата основаат и водат свои интернет компании.