Снежно изненадување од мајката за детето кое нема да ја доживее следната зима

Детали

вторник, 10 декември 2013

Мејсон Вилијамс е тригодишно момче кое е родено со тешко заболување, хипопластично лево срце. Толку е малечко, но ги поднело сите досегашни процедури на лечење.

За да преживее мора да оди на ризична операција на срцето која според докторите речиси нема шанси за да преживее, поради високиот крвен притисок.

Неговата мајка знае дека деновите му се ограничени, па сакала да исполни една од неговите најголеми желби. Нивниот двор го претворила во вистинска зимска бајка.

Со помош на локалните жители и фирми кои донирале новогодишни дрвја, вештачки снег и украсни предмети, неговата желба станала реалност.

Мејсон никогаш претходно немал видено вистински снег, па кога го видел во дворот се расплакал од шок и радост.

Уште кога се разбудил бил воодушевен од тоа што го гледа, а кога го допрел снегот немало поголема радост. Тој не може да зборува, но неговата мајка ја препознала неговата среќа.

Мајката Мелоди не знае дали нејзиниот син ќе има шанса некогаш повторно да види снег, па била воодушевена што барем еден ден уживале заедно во снежната бајка.