Празнично чудо: Донација која го спаси животот на двајца неразделни пријатели

Детали

петок, 27 декември 2013

Бездомникот Стив Антониј има еден единствен и најверен пријател со кој го дели студените ноќи во Калифорнија - кучето Ривер. Неговиот свет за малку во потполност ќе се срушел кога неговиот пријател бил удрен од кола, а возачот го оставил да умре на улуца.

Меѓутоа, Стив не ни претпоставувал дека еден случаен минувач може да ја промени неговата животна приказна.

За среќа, жената која минувала покрај нив, видела како возачот кој го удрил Ривер побегнал, па застанала да помогне и го однела Стив и неговиот пријател кај ветеринар.

Видов дека е целосно раскрвавена. Мислев дека мојата Ривер нема да преживее. Но, Џенифер Мартин беше нашиот ангел, раскажува Стив.

Џенифер застанала, му помогнала на Стив да ја тргнат Ривер од улицата, а потоа се упатиле кон ветеринарот. Само неколку часа подоцна започнала и хуманитарна акција на Фејсбук.

Во соработка со добротворната организација Честер, за само 2 дена се собрани над 9.000 долари, што било сосема доволно операцијата да биде покриена, а останатите пари да бидат уплатени во мотел, каде неразделните пријатели ќе бидат сместени.

Стив е импресиониран и трогнат од фактот дека илјадници луѓе имаат желба да му помогнат.

- Ви благодарам на сите, Ривер е добро! Ве молам донирајте во Честер фондацијата за да им помогнете и на другите на кои помошта им е неопходна, порачува Стив.

Чудата се возможни! Не ја пропуштајте секоја шанса да го разубавите туѓиот ден!