Проштално писмо од една мајка пред да си го одземе животот

Детали

среда, 08 јануари 2014

Ова писмо е анонимно од разбирливи причини што е вистинито и премногу тешко за да се откријат идентитетите.

Сепак, ретко се случува да биде објавено нешто толку трагично и интимно.

Можеби некому дава храброст, поддршка или сочувство. Понекогаш треба да знаеме да се соочиме со трагедиите и да го извлечеме најпозитивното од нив, колку и да го нема.

Таков пример е и ова писмо кое мајката ѝ го оставила на својата ќерка неколку години пред да се самоубие.

Таа била психички болна и во тешка депресија, често деновите ги минувала во ментални и душевни болници.

Не можејќи да ја поднесе постојаната болка и тагата која им ја создавала на своите 3 деца и сопругот, во момент на свесна состојба одлучила прво да напише писмо до својата најстара ќерка, а подоцна и да си го одземе животот.

„Никој не е виновен. Ниту ти, ниту татко ти, ниту Ана или Кен. Те молам, не ги поминувај деновите размислувајќи каде си погрешила или што лошо си направила.

Имав добар живот со добри луѓе. Те сакам толку многу што не можам да најдам доволно зборови за да ти го напишам тоа.

Тоа што те напуштам нема никаква врска со мојата љубов кон тебе. Се надевам дека нема да ме мразиш за ова.

Сакам да бидеш добра личност. Сакам да знаеш дека добрите денови секогаш доаѓаат. Грижи се за брат ти и за сестра ти, татко ти ќе биде добар.

Не ги троши деновите жалејќи за мене, туку потроши ги да живееш за себе. Не заборавај дека можеби тие денови ти се последни, па направи ги поинакви.

Бори се секогаш кога можеш, но прифати ги промените кога е потребно. Она што го имаш овде е само еден момент во бесконечноста на животот. Направи го да вреди, но не дозволувај да ти остане на рамената и да те завлече надолу.

Моли се за работите, но не го обвинувај Бог. Во ред е ако си повредена, дозволено ти е. Не ги следи овие мои стапки.

Јас не го правам ова затоа што те мразам или затоа што сум себична. Го правам ова бидејќи сум многу болна и ова е единственото решение, порано или подоцна. Јас одбирам сега. Ова е единствениот одговор.

Се надевам и се молам со секој пулс во мене дека тоа нема да биде и твој одговор, но ако некогаш е, кажи им на луѓето што ги сакаш дека навистина ги сакаш.

Те сакам и жал ми е. Биди добра."