Животни совети од XXL модел: Слушајте го своето тело и јадете сè што ќе посакате

Детали

среда, 26 февруари 2014

Витни Томпсон е 26 годишен XXL модел кој на сопствен и многу успешен начин ги рекламира новите модели на брендот „Panache“, а воедно и се залага за што порамноправен и подобар приказ на моделите со облини.

- Кога на сите мажи би им се допаѓале жени кои личат на Викторија Бекам, тогаш сите би требало да изгледаме така. Сепак, тоа не е правилно. Не сите мажи ја сакаат неа за идеална сопруга.

Витни ги критикува бројните диети и нивните реклами во кои витки познати личности ни порачуваат како треба да изгледаме. Томпсон, наспроти нив, го слуша своето тело и јаде што ќе посака.

- Кога имам доволно енергија одам на трчање затоа што тоа е совршена вежба, но никогаш не правам нешто што не ми одговара - додава Витни.

Оваа манекенка нагласува дека животот е премногу краток за да бидеме строги сами кон себе и кон нашите желби и дека апсолутно нема никаква поента откажувањето од сопствените задоволства.

На крајот од денот, кога Витни го следела ритамот на своето тело неколку часа, застанува пред огледало и си кажува себеси: „Ова е единственото тело кое го имаш!“ Тоа за неа е доволно добра причина да се сака себеси.

Витни исто така го презира терминот „модели со облини“ и се бори против него.

- Кога утре би престанала да се бавам со модата, би била задоволна со она што до сега го направив.