Снимката на која се гледа мистериозно суштество во снег го преплаши светот

Детали

среда, 07 мај 2014

Канадскиот планинар Мајлс Ламонт верува дека на видеото кое го снимил не се наоѓа човек, ниту снежно животно, туку Бигфут - големо суштество во облик на мајмун за кое се зборува дека редовно се појавува во дивините на САД и Канада.

„Сосема сум сигурен дека тоа таму доле е човечко тело прекриено со влакна. Не гледам баш најдобро, но тоа е онаа мала точка која се движи во снегот,“ коментира Ламонт.

Видеото стана посебно интересно токму заради брзото движење на суштеството низ планината.

„Ако ова е човек, зошто би се качил токму тука, на оваа снежна падина? Зошто не би одел по правилниот пат?“

„Добро е што понесовме пиво, можеби ќе го намамиме. Не знам на која висина сме, но веројатно има близу 2.200 метри, а ова суштество шета по снегот многу лесно,“ постојано истакнува Ламонт.

На снимката открива и дека суштеството има 2 нозе, но дека нема чевли за снег, ранец, ниту пак облека во боја.

„Движењето по ваков терен и мек снег без облека е тежок предизвик, а брзината со која се движеше е речиси невозможно да се постигне без соодветна опрема.“

И покрај тоа што многумина се сомневаат во веродостојноста на снимката, сепак ќе се изврши истражување вредно 500.000 долари за собирање на нови, појасни информации околу постоењето на Бигфут.