Работниците на плантажи за какао првпат во животот пробуваат чоколадо (видео)

Детали

среда, 30 јули 2014

Сите уживаме во чоколадното задоволство од какао и речиси не можеме да си го замислиме денот без него.

Но, не би го имале тоа скапоцено парче, ако некој не се грижи за неговата главна состојка, какаото.

Оние кои се главни „виновници“ за највкусното нешто живеат во далечни африкански земји, работат на плантажи, ги собираат и ги сушат зрната какао, па ги продаваат на богати сопственици на фабрики. Тоа е сè што знаат за нивниот производ. Понатаму не знаат што сè се прави од нивните зрна какао и какво задоволство се произведува.

Затоа, еден ден, еден новинар решил да им однесе чоколадо и да им овозможи првпат во животот да пробаат чоколадо.

Нивните реакции се неодоливи и сигурно ќе ви предизвикаат насмевка. Истовремено е и жалосно кога ќе видите колку се трудат и работат за да ги одгледаат зрната какао, а потоа немаат шанса да го пробаат главниот производ бидејќи за нив е премногу скап.

Тие заработуваат по 7 евра дневно, а таму чоколадото чини 2 евра, но тие прехрануваат семејства и со 15 членови.

Сепак, откако сега го пробаа сигурно нема да можат да му одолеат, па барем еднаш во месецот ќе се потрудат да си го дозволат најчоколадното уживање.

Погледнете го видеото за да ги видите нивните реакции: