Да му помогнеме на Патрик да ја најде Македонката од мостот

Детали

среда, 20 август 2014

Додека некои забораваат на романтиката и сè помалку веруваат во љубов на прв поглед, некои други доживуваат филмска љубовна сцена. Но, не се знае дали и толку филмски ќе заврши.

Се работи за љубов на прв поглед помеѓу Патрик и непозната Македонка, која била во посета на Словенија.

Засега, со оглед на јавното обраќање на Патрик, љубовта од негова страна е потврдена, но дали истото го чувствува и девојката ќе се дознае доколку успее да ја пронајде.

Според објавената порака, тие се сретнале на тројниот мост Tromostovje (Triple Bridge) во Љубљана, разговарале, се смееле и танцувале, но за кратко таа морала да замине.

Патрик се вљубил во нејзините очи кои не може да ги заборави. Единствен податок што веројатно го знае за неа е дека најверојатно студира на Факултетот за социјални науки.

Токму затоа, испечатената порака ја залепил таму, со надеж дека ќе ја прочита и ќе му се јави на некој од контактите кои ги има оставено.

Сепак, за да бидеме сигурни дека барем на некој начин ќе стигне пораката до непознатата Македонка и ќе му помогнеме на Патрик да ја најде, ја објавуваме како што е оставена и се надеваме дека Македонката нè чита редовно и ќе се препознае.

Со среќа!