Хотел им го наплатил критикувањето на TripAdvisor

Детали

четврток, 20 ноември 2014

Заради тоа што јавно го критикувале хотелот во кој престојувале, поточно го нарекле валкан, смрдлив ќумез, двајца Британци морале да платат казна од 100 фунти.

За едно ноќевање во хотелот Бројдвеј во Блекпул, Англија, Тони и Џен Џенкинсон платиле 36 фунти, но само 2 дена подоцна од нивната сметка биле повлечени уште 100 фунти.

Тој трошок хотелот го оправдал повикувајќи се на клаузата во формуларот за резервација, со која гостите се предупредуваат дека за секоја јавна критика ќе мора да платат пенали.

Нивната критика за хотелот која ја објавиле на TripAdvisor гласела „неуреден, валкан скапан и смрдлив ќумез кој го водат марионети“ и токму таа ги чинела 100 фунти.

Тони Џенкинсон за BBC изјавил дека неговата жена за време на потпишувањето на документите не ги имала очилата, па не ги ни видела правилата.

„Знаевме дека хотелот е евтин, но очекувавме да биде барем чист, што дефинитивно не беше,“ додала неговата сопруга.

Хотелот Бродвеј одбил да ја коментира оваа случка во јавноста, додека Тони и Џен побарале враќање на парите.

Ова се само дел од фотографиите кои ги споделиле на TripAdvisor:

• 
• 
• 
• 
• 
• 
• 
• 
• 
•