Се откажува од манекенството затоа што е „предебела“ за модната индустрија

Детали

среда, 26 август 2015

19-годишната Агнес Хеденгард е шведски модел кој открива дека таа од модната индустрија е дефинирана како „предебела“ иако според својата тежина таа влегува во групата на потхранети.

Овој шведски модел ги открива апсурдните стандарди на модната индустрија и причината поради која решила да се откаже од моделингот – таа се бори да дојде до модната писта, бидејќи поголемиот дел од дизајнерите велат дека треба да тежи помалку.

Оваа тинејџерка има Индекс на телесна тежина од 17.5 и влегува во групата на потхранети, но тоа не е доволно за модните куќи.

„Мислат дека моето тело е големо. Ми викаат дека мојот задник е преголем и дека моите колкови се прешироки“ – објаснува таа во своето видео.

„Ќе ме повикаат на интервју, но откако ќе ги земат моите мерки веднаш се откажуваат. Ми велат дека сум преголема и дека треба да добијам подобра и витка форма за да можам да потпишам било каков договор“ – додава Хеденгард.

Сега веќе се откажала од нејзината кариера во модата и работи како продажен асистент во Стокхолм, но решила својата приказна да ја сподели со целиот свет.

• 
• 
• 
• 
• 
• 
• 
• 
• 
•