Животна приказна: Син ја рани својата неподвижна мајка со уста, бидејќи нема раце

Детали

четврток, 27 август 2015

Чен Зинјинг е 48-годишен човек кој има прилично проблематичен живот – не само што нема раце, туку се грижи и за својата парализирана мајка. Тој секојдневно ја храни мајка си, а бидејќи нема раце, тоа го прави со својата уста.

Зинјинг секојдневно се грижи за својата 91-годишна мајка и ја рани со лажица меѓу забите. Тие живеат во мало село од југозападна Кина.

Рацете ги загубил кога имал 7 години откако доживеал електричен шок, но и покрај тоа напорно работел и работи на семејната фарма. Уште поголема трагедија се случила кога починал неговиот татко и го оставил сам да се грижи како за фармата, така и за својата мајка.

Кога здравјето на неговата мајка од ден на ден започнало да се влошува, негов пријател му дал предлог да проси, но тој гневно одговорил на советот: „Немам раце, но имам нозе. Не можам така да заработувам“.

Така, и покрај тоа што нема раце – тој готви, се занимава со земјоделие и прави плетени кошници. Зимата за него е посебно тешка, бидејќи тешко успева да облече чорапи, па нозете често му замрзнуваат.

Животот знае да биде без милост...

• 
• 
• 
• 
• 
• 
• 
• 
• 
• 
•