За нивната свадба платиле непознати

Детали

понеделник, 14 септември 2015

Млад пар три години штедел за домот и свадба од соништата, но морале да се откажат од своите планови, бидејќи откриле дека младоженецот има рак во терминален стадиум. Сепак имале можност да си ја остварат свадбата од соништата благодарение на добрината на луѓето ширум светот.

35-годишните Лаура и Стивен Монкс со помош на добротворни цели кои им ги овозможиле цвеќињата, тортата и фустанот ја одржале својата свадба.

Овој пар од Манчестер се верил во 2013-та година само 3 месеци откако ја добиле нивната ќерка Лидија и започнале да се подготвуваат за нивната свадба и да штедат за куќа, но морале да ја откажат откако откриле дека Стивен има рак на црниот дроб и дебелото црево.

„Сакавме да заштедиме за мала куќа како колипка. Удобен простор кој ќе можеме да го викаме наш заеднички дом. Сакавме да се венчаме, но сè се промени откако ја добивме дијагнозата на Стивен“ – вели Лаура.

„Потрошивме години на штедење. Поминавме само еден заеднички одмор со ќерката, а би сакале да имаме повеќе заеднички среќни минути,“ – додава таа.

Од една сестра слушнале за донации под името „Gift of a Wedding “ која бара од бизниси и членови на јавноста да донираат работи како свадбени торти, фустани, шминка и се друго што е потребно за една свадба.

Така ја добиле својата свадба од соништата.

• 
• 
• 
• 
• 
• 
• 
• 
• 
• 
• 
•