Ветувањето на синот кон својот татко : “Кога ќе пораснам ќе го имаме најубавиот дом”

Детали

недела, 13 декември 2015

Како што изминуваат годините, некако забораваме низ какви сè не предизвици поминале нашите родители за да нè донесат на вистинскиот пат.

Со секојдневните обврски и пренатрупаноста на работните задачи го забораваме вистинското значење на она што се нарекува дом, љубов, семејство.

Сè она што правеле, сè она што граделе е нивна жртва токму за нас и најмалку што можеме да направиме за сета таа посветеност е барем да ги одржиме нашите ветувања кон нив. Со тоа ќе внесеме неизмерна радост во нивниот живот и кога ќе се завртат со гордост ќе можат да кажат дека одгледале чедо на кое секој би се гордеел.

Ова 7-минутно видео ќе предизвика бура на емоции во вашето тело и ќе ве натера да се запрашате, да се потсетите и да запомнете што сè сте ветиле дека ќе исполните. Ќе ви ја покаже нераскинливата врска и едно огромно ветување кое не смее да биде прекршено.

Немоќниот татко се соочува со најгорчливото чувство на самотија и копнежот повторно да ја почувствува топлината на своето семејство. После срцевиот удар кој го доживува, неговиот син е принуден да го чува, но наместо хармонија и соживот, немоќниот родител претставува товар за семејството и синот е принуден да му каже дека ќе мора да го остави во старечки дом.

Но. налетува на цртеж, неговото детско, невино ветување кон својот татко дека еден ден, кога тој ќе порасне ќе му го пружи најубавиот дом што некогаш го имале и потоа сè се менува.

Целото видео ја носи пораката за тоа дека домот не е она што стои на темелите, туку љубовта која владее помеѓу членовите во семејството.

Спремете се да ги насолзите очите и да се запрашате дали вие создавате семејство какво што посакувате.

Запрашајте се дали секојдневието го исполнувате со топлина или само со една здодевна рутина која морате да ја повторите.

Потсетете се на сите ветувања и пробајте да ги исполните, за да им дадете до знаење на оние кои доаѓаат дека ветувањата морат да се исполнат за да се добие вистинското значење на зборот семејство.

Н. Буџак | Црнобело