Си замина легендарниот пејач Леoнард Коен

Детали

петок, 11 ноември 2016

Канадскиот пејач, текстописец и поет, Леонард Коен почина на 82-годишна возраст.

Веста беше објавена на неговата официјална Фејсбук страна, но не беа наведени никакви детали за причината за неговата смрт.

„Со длабока тага известуваме дека легендарниот поет, текстописец и уметник, Леонард Коен почина“.

Пејачот од Монтреал имаше многу познати хитови меѓу кои „Suzanne“, „Bird on the Wire“ и „I'm Your Man“ и 14 издадени албуми.

Во 2008-та година тој беше примен и во Рокенрол холот на славните.

„Овој настан е сосема неочекуван за мене. Никогаш не сонував за вакво нешто“ - изјави тогаш.

Коен е роден во еврејско семејство, а подоцна во животот, стана Зен будист.

Цели 5 години, од 1994-та до 1999-та година паузираше од музичката сцена и живееше во центарот „Mount Baldy Zen“, источно од Лос Анџелес.

Подоцна повторно се врати.

Ова се некои од неговите најпознати песни кои засекогаш ќе ги паметиме:

Меѓу последните песни беше и „You Want it Darker“:

Н. Г. | Црнобело